長者樂悠咭餘額不足 上車付2元被司機鬧爆惹爭執 後續發展令人匪夷所思
樂悠咭餘額不足長者欲付2蚊遭司機鬧爆
據目擊者於Threads分享，該名長者上車後發現樂悠咭餘額不足，於是拿出2元硬幣交給司機。司機即時指出，必須使用樂悠咭拍卡才能享有2元乘車優惠，並要求支付正價6元車資，「俾返正價6蚊啦，唔係我收你2蚊，係八達通先收你2蚊」。隨後，該名長者竟把2元硬幣塞進八達通機後面，並聲稱「俾咗啦」。司機見狀立即斥責：「呢個唔係錢箱啊，你擺咩銀仔入去？你跌返佢出嚟，你係咪黐線？」，長者不斷嘗試取出硬幣未果，還表示車資「喺條管入面」，司機不耐煩地回應：「咩條管呀？你好快X啲畀錢！」最終，長者再拿出6元硬幣支付正價車資，連同原先的2元，變相多付了費用。目擊過程的港男不禁嘲笑說：「我忍笑忍得好辛苦！」
網民反應兩極
對長者應多點包容與理解
不少網民認為社會應對長者給予更多體諒，特別是在資訊接收或適應新支付方式上的困難：「有啲老人家接收信息比較差，都可能仲要解釋返畀佢知道，嗰個差額係由政府補貼。而佢都好合作畀錢，所以佢唔似博大霧。」、「人人都會老，未必個個都咁清醒，雖然呢個世界好多X老，但我覺得唔需要對每1個長者都咁大惡意。」、「聽你形容佢唔似係想走數，佢一開始唔知要俾全部車錢，後尾知道咗之後都有俾，只不過俾錯位。」
質疑長者故意逃票或缺乏常識
有部分網民對長者的行為表示質疑，認為其行為可能是故意或缺乏基本常識：「想借啲意畀少幾蚊」、「明明經歷過未有八達通嘅時期，扮咩唔識入錢。」、「無常識嘅長者好多都係咁做，佢仲大聲惡過司機話咪畀L咗你囉。」、「而家真係咩人都有，見怪不怪。」
支付全額車資是合理要求
網民普遍認同，若無法使用樂悠咭，支付全額車資是正當做法：「比正價是正當及要入錢箱」、「冇樂悠咭或者唔夠餘額就當然要俾正價啦」、「俾正價是常識吧」
特殊情況能否享有2元乘車優惠
根據香港政府的「長者及合資格殞疾人士公共交通票價優惠計劃」（俗稱2元乘車優惠），長者（65歲或以上）需使用個人八達通卡（即樂悠咭）支付車資，方可享有每程2元的優惠。若忘記帶樂悠咭或卡內餘額不足，則無法享有優惠，需支付全額車資。紅色小巴的車資支付方式由個別營辦商決定，通常接受現金或八達通，但若無樂悠咭或餘額不足，乘客需按標準車資付款。
