梅窩「敘利亞風」廢墟樓只賣165萬 網民：買嗰個正水魚！

梅窩2房連天堂單位只售165萬 坐擁無敵海景

市場上不時出現另類物業拍賣，當中不乏支持者參與執平貨。據忠誠拍賣資料顯示，大嶼山梅窩一伙兩房連天台海景戶近日成功拍賣，單位以161.7萬元開拍，經2組買家競拍後，最終搶高3.3萬元或約2%，以165萬元沽出，呎價約4,365元，低市價185萬元或約5成入手。

據知由於單位業主失聯以及欠管理費，終淪為無契樓及法院令物業，而新買家入手為自住，而該行早前透露，單位原業主之前拖欠的差餉、地租及管理費等，新買家不用負責。

是次成交為大嶼山梅窩銀運路2號家樂閣B座1個頂層連天台戶，實用面積約378平方呎，連393平方呎天台，屋內客廳及天台可望海景。單位室內超殘舊，地面堆滿石屎，天花亦有大面積鋼筋外露，就如「敘利亞風」估計新業主需要大執，而亦由於單位無契，或難以向銀行承造按揭，相信買家或需「Full Pay」入市。

網民：究竟經歷左啲咩

不少網民看到相片後，紛指「1萬蚊都唔買」，指「天花鋼筋已經外露，加生鏽發脹，唔係諗住跣一層灰就搞掂吓話？」、「要洗多百幾萬執番靚間屋，其實咪同出面市價一樣，離島區搵裝修再貴多幾倍」、「畀返新業主100萬遷入？」、「近海又無關窗海水加濕鋼筋生銹發漲」、「其實點先可以搞到成個天花跌哂落嚟」、「敘利亞風好貼切」、「這些算危樓，又近海，咸水樓，無得整，整完又好快甩，就算有裝修，也是200萬左右價咁上下。細單位離島一向係這些價。不是什麼平58%，以為執到好嘢？衰過買元朗村屋」、「買嗰個正水魚」。