林作同七師傅情已逝？　公開講「呢番話」得罪林作：周圍都係騙局

「林七」情不再？ 七師傅為林作唸往生咒 林作：周圍都係騙局

林作和七師傅曾一起拍攝ViuTV節目《七救星》，二人更一度在幕前「攬頭攬頸」，七師傅更曾指林作母親想她當新抱，後來經她為裕美「做嘢」後，方令裕美與林作母親好好相處。而早前林作投資出事後，有報道指七師傅自言自己為林作唸往生咒除業障，稱林作為人才，讀咁多書好辛苦，希望佢快快樂樂。又指早知JPEX會出事，拒拍其廣告，更為林作日日唸經。

林作貼七師傅相：太多風水師傅馬後炮

未知林作是否對相關報道有意見，貼出七師傅相關報道照片，並打上「本人坦承，由於最近太多不同風水師傅在網上馬後炮，導致本人目前對堪輿學信心跌至谷底。風水佬、冒險樂園、Edan後援會..…本人現在的感受是，在香港，好像周圍都是騙局」。

而七師傅亦在自己社交平台解釋指「林作唔好嬲，看完訪問視頻 及文字…林作看完可能會嬲」。

林作：唔好再講點解知道我今次會出事

事實上，林作曾於出事後公開邀請，稱：「本人宣佈：有見今次事件引發全城風水佬發癲般衝出黎馬後炮，本人決定舉辦林作末來運程論壇，廣邀屬於貴為最鍾意抽水嘅行業嘅你哋，一齊出嚟，我俾曬我時辰8字你哋，同我好好算算末來十年八載究竟會點，唔好再講點解知道我今次會出事，俾市民一個機會，看清究竟呢啲嘢信唔信得過。想參與嘅風水佬們，DM我報名參賽」。