東張西望 mirror演唱會
東張西望 mirror演唱會

東張西望|MIRROR補辦演唱會鏡粉淪為苦主 換票安排無人知咁離譜?

網絡熱話

廣告

東張西望|MIRROR首個紅館演唱會於去年7月舉行,當一眾粉絲期待著《MIRROR.WE.ARE LIVE CONCERT 2022》的表演時,卻因第4場發生嚴重意外而腰斬,當時官方隨即宣布餘下場次將會補場。MIRROR演唱會門票一向難求,左撲右撲才有一票在手,而近日官方再度公布演唱會詳情,豈料令一眾買了演唱會門票的鏡粉淪為苦主,更上《東張》怒訴,指「完全無人知退票/換票安排」。而當訪問出街後,網上大批鏡粉同樣表明「我都係睇《東張》先知有換飛安排」;但另一邊廂,有鏡粉反而大鬧「TVB造假」,認為全個訪問都是自編自導自演。

MIRROR補辦演唱會 忠心鏡粉舊有門票竟兌換不了變廢紙

MIRROR演唱會去年因嚴重意外而腰斬,當時官方稱會補辦演唱會,已購買門票的鏡粉可待官方公布後續安排詳情。直到近日,MIRROR演唱會主辦方終於公布《MIRROR FEEL THE PASSION CONCERT TOUR 2024 · HONG KONG》的詳情,為MIRROR首個巡迴演出,首站由香港出發,包括去年未能順利舉行的9場,一共舉辦16場。終於等到這日來臨,卻有大批鏡粉上《東張西望》大鬧主辦方,事關原來持有去年演唱會門票的鏡粉原來一直對於「退票/換票」的安排一概不知,離晒大譜。

東張西望 mirror演唱會 MIRROR將舉行2024演唱會
MIRROR將舉行2024演唱會(圖片來源:[email protected]
東張西望 mirror演唱會 苦主上《東張》怒數不滿
苦主上《東張》怒數不滿(圖片來源:TVB《東張西望》)

其中一位上鏡受訪的陳小姐指,自己要撲一次門票都非常艱難,「我嗰時被要係買到Miro特別場尾場,我真係好興奮好興奮,我買到最前幾排,一張$1,280,一直Keep住張飛等公司講幾時再搞返」。陳小姐指自己用實名制購買門票,一直以來都透過電郵收資訊,因而一直都好安心地等待。「我無諗過係要我主動去Facebook同Instagram睇消息,我鍾意個偶像,我會Follow佢哋個人官方帳號,但我係無必要去Follow埋你公司個社交平台㗎嘛,你尋日先公布2024詳情,點解要Set一個咁嘅截止日期,好唔合理」、「今次真係心淡,賣飛就鋪天蓋地,換飛就收收埋埋」。

東張西望 mirror演唱會 原本她買了Miro特別場超興奮
原本她買了Miro特別場超興奮(圖片來源:TVB《東張西望》)
東張西望 mirror演唱會
(圖片來源:TVB《東張西望》)

鏡粉:支持者啲血汗錢都要呃

而另一位Ricky鏡粉則指自己每天都會看Facebook和Instagram,但根本從來沒有看過相關消息,而他到官方帳號查看時,發現為數不少的鏡粉留言,指自己從來不知換票安排,但已被通知「錯過期限」。大家無論透過電郵、消委會等方法投訴都無果,而每個人發送電郵後都只有同一個回覆,指「不再跟進」。Ricky指自己身為支持者,對於今次安排十分失望,認為「你2024年個演唱會都未搞,又唔畀人退飛同換飛,你變相同一個位收2份錢,我哋血汗錢都要呃,完全睇唔到消息,亦無聽人講過」。

東張西望 mirror演唱會
(圖片來源:TVB《東張西望》)
東張西望 mirror演唱會
(圖片來源:TVB《東張西望》)
東張西望 mirror演唱會 2024演唱會門票即將開售
2024演唱會門票即將開售(圖片來源:TVB《東張西望》)

節目組:MakerVille未有回覆查詢

而同樣是鏡粉的曹生、曹太亦指,自己不需要任何額外的東西,「真係好失望,門票真係好難買好難買,我買咗4連位,我2個囡囡好鍾意佢哋,當時每張買$880,我丁點Extra嘢都唔要,我淨係想要返我應得嘅權利」。而MakerVille其實早在5、6月時在Instagram公布退票/換票安排,昨日亦再出POST講述安排,但若然門票持有人錯過了時間,就惟有自理。而《東張》亦向MakerVille查詢事宜,但節目內容指「未收到任何回覆」。

東張西望 mirror演唱會
(圖片來源:TVB《東張西望》)
東張西望 mirror演唱會
(圖片來源:TVB《東張西望》)

而節目播出後,坊間亦有大量鏡粉指自己「睇完東張先知喎」,而其官方Facebook專頁亦被洗版投訴。

東張西望 mirror演唱會 近日官方再發出相關回應
近日官方再發出相關回應(圖片來源:[email protected]
東張西望 mirror演唱會
(圖片來源:[email protected]
東張西望 mirror演唱會
(圖片來源:[email protected]

苦主上《東張》求助 鏡粉鬧爆:根本成單嘢自導自演!

多名苦主上《東張》求助,網上亦有大批留言指自己從來無聽過換票安排,面對排山倒海的負評,永遠支持鏡仔的鏡粉旋即大反擊,質疑整個訪問都是TVB自編自導自演。「有咩可能一公布演唱會詳情就即刻有咁多人上去做訪問」、「點解要咁黑心搞我哋MIRROR」、「有買飛一早都知已通知要留意喇!其實點解唔會留意佢哋Facebook專頁,解釋唔到喎」、「擺明TVB自編自導自演」、「根本成年件事講唔通,Send Email畀你,你都可以話唔睇㗎啫,講真係自己就係消費者,應該自己留意,乜都賴人哋,個個都知係得你哋幾個唔知,講唔講得通啊」、「買得演唱會飛,就係佢哋Fans啦,就算你唔係Fans,你無Follow佢哋公司,咁你上Facebook都大把人講啦」、「King jer都有講,如果唔上網又淨係睇無綫,咁點解會識得買Mirror飛」。

官方回應負評:再安排退票事宜

面對大量持票人士的不滿聲音,當中包括位置安排及退票爭議,MakerVille亦在社交平台回應事件,指「在退票及兌換門票程序期間我們收集了超過九成半的門票,由於演出場地有所更改,電腦系統已經處理逾8萬多張門票資料,當中會根據原有門票資料進行分析,再符合各項特定條件,包括與舞台的距離、相連座位等因素,從而配對最佳座位」、「如未能出席所分配的場次或其他原因,可於2023年12月15日或之前提出退票申請」。至於未有在原定退票限期(2022年9月15日至2023年9月14日)提出退票的申請人士,官方會再安排退票事宜,有關詳情將於日後,在MakerVille Facebook 及Instagram專頁公布。

東張西望 mirror演唱會
(圖片來源:[email protected]

不過鏡粉閱後更嬲,皆因不少人投訴原本買了最前、最貴、最好的場次,經重新安排後竟「越貴坐越後,越平坐越前,離晒譜」、「尾場變中場」等,而官方回應指重新編排位置皆屬「最佳位置」即激嬲鏡粉,紛紛投訴指「咁叫最佳安排?原本880,而家畀最後山頂位,呢個合理咩?認真咩?搞緊笑啊?」、「我原本2張係買$1,280,而家換畀我嗰2張係$1,080位,咁叫最佳?」

東張西望 mirror演唱會
(圖片來源:[email protected]

圖片來源:TVB《東張西望》、[email protected][email protected]