東張西望｜私影女生斥相識十年攝影師借醉行「胸」 3人指證反遭網民質疑
私影女生被相識10年攝影師借醉行「胸」 同場女友人被扯甩上衣
K小姐指自己為一位私影女生，與涉事攝影師相識10年之久，視對方為兄弟，相當信任對方，不時都會約食飯聚會。一直都相當無事，豈料在上年其中一次飯聚中，M先生竟在大家喝酒後突然伸手摸K小姐左胸數秒，過後再突然兩隻手放在K小姐胸部上搓捏數秒，K小姐形容當場嚇親，並指感覺到被捏得有痛楚，自己雖已即時用手護胸，但仍不敵對方突襲，M先生更講了一句：「呢D先係真胸嚟㗎嘛」。
另一女生同樣受害 上衣被扯、強吻數分鐘
偷襲完K小姐，M先生仍「唔夠喉」，轉移目標到K小姐有來的朋友May身上，不但觸碰上身，連衣服領口都被扯下。「佢摸我Pat Pat幾秒，隻手不停游走喺我Pat Pat度，我Feel到佢摸我但我唔知可以點反抗，然後佢好似獸性大發咁，好似好想有下一個行動，我完全唔知點反抗，唯有用鉸剪腳踢開對方，但唔夠佢大力，佢突然錫咗我幾分鐘，我當時唔知保護我上面定下面好，我唔知可以點做」。事後K小姐於飯局第二日再上門找M先生問清楚昨晚發生的事，指「我記得尋晚你有摸我，你以為我唔知？」，豈料對方竟回一句：「哈哈哈，我係機會主義者嚟㗎嘛」。
現場目擊者事後重提事件：佢當呢度係X Party
而當晚同場的還有一名沒有飲酒的化妝師朱小姐，她主動聯絡K小姐並重提事件，指「佢真係唔熟唔食，又換屁股又摸上面，有無搞錯啊，好彩我無飲酒，佢當呢度係SXX Party啊」。不過事後節目主持嘗試聯絡朱小姐，結果都無人回覆。不過事件過了一段時間，攝影師M先生似乎「當食生菜」，竟在今年7月再約K小姐影相，而當K小姐搵好泳衣準備拍攝時，M先生突然又施以魔爪，敲打完後再講了一句：「有無人喺度啊？」，K小姐當場問：「你做咩？」，M先生竟指「你都係硬殼嚟㗎啦，驚咩啊」。當刻K小姐極想逃走，但由於拍攝地點較為偏僻因而頂硬上，怕即時反抗更危險。
第三名女生再指證：佢影影吓相突然發出喘氣聲
隨後再有一名叫Angel的女生出來指證M先生，指自己20年前同樣與M先生出來拍照，惟當時M先生要求Angel拍照時彎下身，她感再奇怪後M先生即指「咁算囉」，但後來拍照期間突然發出急促喘氣聲，「啊，啊，啊，好正啊」，剛說完這句話隨即上前抱住Angel，幸而Angel踢中對方下體，因而避過一劫。
M先生自稱星級攝影師 IG見大量女藝人照片
而據K小姐所指，M先生的個人社交平台上貼出大量為女明星拍的照片，如陳瀅、李佳芯、龔嘉欣、江美儀等，自己都是因對方拍照拍得好而認識，二人關係好到連K小姐的求婚Party，M先生都有出席，但想不到對方如此過分。K小姐亦在節目中提醒各女生「就算你同個男人識咗幾耐都好，唔好隨便去飲酒」。
網民：點解當時唔報警？發生咗件事仲去著泳衣影相？
網民看完報道後不齒攝影師的行為，但同樣指K小姐的說法引來不少疑點，有網民留言指「點解唔即刻報警? 點解事主仲要頂硬上要去見面，明知唔對路」、「但係點解朋友只係影相，唔幫手阻止位男士行為呢」、「第一次唔報警？之後約你仲出去？點解要再一次自己送上門」、「女事主唔係做 intern，無需啞忍喎」、「唔係唔可憐女仔，不過佢哋都有責任，就係點解再去第二次。 條佬應該拉去坐監，但女都要好好反省」、「真係好唔明妳哋做法，化妝師見到個女人被人非禮都唔制止一直在睇住過程，女人被非禮後好害怕，但是妳又要為佢做嘢又係唔知點拒絕離開」。
