單車女如廁被清潔工強開門 感委屈上《東張》討公道 網民：無問清潔工嘅？
東張西望｜單車女爆粗鬧清潔工被網民攻擊 委屈上《東張》哭訴事件真相
涉事的單車女上（化名陳小姐）《東張》受訪時表示，當日與朋友踩完單車回家，途經鑽石山港鐵站時打算去洗手間，眼見女廁門口有圍欄擋住，並正在做清潔工作，陳小姐於是問清潔工：「可唔可以去廁所，好快」，而對方表示可以後，陳小姐便進入女廁，並關上圍欄，走進第3格廁所。
「我好似平時去廁所咁有鎖門，因為踩完單車好熱，我就除開啲衫同褲，但突然間佢（清潔工）搵嘢開我門，我咩都畀人望晒，有種被侮辱嘅感覺」。然而，據陳小姐指，當時問清潔工「你開我門做咩」，對方竟回答「我睇吓你係男定女」。清潔工這句話旋即惹怒一向情緒容易激動的陳小姐，陳小姐即指剛才入洗手間前二人已對答過，對方好明顯知道她是女生，且進入廁所前已問是否可以進入，清潔工見證她入洗手間廁格一刻，稱「睇吓男定女」好荒謬。
陳小姐哭訴指自己平常「好小可鬧到咁」，認為「我覺得我所有嘢都畀你睇晒，當刻係真係好嬲」。而片段中可見，港鐵車站站長也有上前調停，當時站長也表示清潔工無權夾硬開門，指若然清潔工認為廁格內有異常事發生，應先敲門了解，無人認門則要請示上司。陳小姐指當時根本從來沒有敲門，就直接被看光全相。
影片瘋傳後單車女被攻擊 我成家人都被貼相出嚟
而陳小姐在節目中哭訴時更指，自從影片被放上網後，網民一面倒怪她，但大家根本不知道來龍去脈。數日來甚至不停收到陌生電話，指要找其家人、朋友、地址，「我真係街都唔敢出，除咗去差館，就連瞓覺一合埋眼，我都即刻諗返畀人望晒全身」、「我知我唔啱，爆粗鬧個清潔工，我會改，我會控制自己，唔會再咁，我希望網民唔好再攻擊我」。
網民：一睇就知上鏡扮哂嘢啦
陳小姐上《東張》解釋事件，但網民們仍然不相信，反指「一上電視就知佢扮晒嘢」。逾300留言都指「東張西望儍嘅，聽個潑婦片面之詞，你睇佢不停爆粗，你信唔信佢有問過清潔姐才入廁，人哋圍晒圍板，你都要入，可知她的人格，我真不相信潑婦有問過清潔姐才入去，見到你痾尿的姿勢，你覺得好似俾人侮辱；咁你喺地鐵係咁問候人老母幾分鐘，你自己又唔覺得羞恥，人家何嘗唔係受你侮辱，希望佢兩公婆向清潔姐道歉」、「一睇就知上鏡扮哂嘢啦！鬧人個樣先係真性情！叫人唔好攻擊你，但係自己又語言攻擊清潔阿姐」、「單車女唔好扮無辜，你講乜都得，就算你話清潔姐怎樣不對，你睇片你個人格極差，不停粗言穢言問候人，鬧人祖宗十八代，你有冇諗吓人感受」、「以為搵東張就幫到你洗白。人心自知，你當時用咁多粗口問候人家老母，個男人仲提議報假案，浪費警力，識你嘅朋友都睇到發生咩事啦」、「佢喺港鐵瘋狂爆粗，係咁侮辱清潔姐姐，仲敢搵東張扮可憐，難為人哋隨時無左份工」、「還原事件真相? 只係你自己一面之詞，講晒對自己有利嘅嘢，不管誰是誰非，有不滿可以投訴，大庭廣眾污言穢語侮辱人，既冇品亦犯港鐵附例，有片夠晒料告佢」、「講咁多嘢，點解無人訪問個清潔工，單方面講就係啊而家」。
