林作去飲網民重點放在新人名字上　新娘叫Sorry、新郎個名仲騎呢：天作之合

Oct 8 2023

去婚禮通常都開開心心，賓客都被一對新人的甜蜜氣氛濃罩，不過以往亦常有笑料發生，香港的例子亦多不勝數。近日除了有方力申於婚禮上唱「好心好報」被嘲「攞景定贈慶」外，林作去飲同樣被網民發現另一重點，事關他發的一張相片上，新娘和新郎的英文名字相當矚目，令人好奇「呢個咩玩法」，更指新郎英文名前所未見，不過後來有網民則指只是大家見識少。

林作去飲放合照網民錯重點：新人叫Sorry係咩玩法？

林作一舉一動都受網民關注，不過早前憑1張相成功令網民錯重點，事關從林作和裕美與一對新人的合照中可見，「Sorry X AB⋯⋯」的字眼，但由於新郎太高而半遮掩了另一個名字。不過網民在半遮掩的情況猜出男主角的名字應是「ABCDE」。有網民指「新娘叫sorry已經O晒咀，叫人去婚禮係咁道歉咩」、「恭喜你，Sorry」、、係攞景家贈慶，叫林作去婚禮Say Sorry」、「真係咩英文字都可以用嚟做名，新郎係咪叫Welcome」、「真係天作之合」。

新郎名被推測為「ABCDE」遭取笑　網民：真係有呢個名！

有網民指新郎疑似叫「ABCEDE」，「就咁將5個英文字母放埋一齊就當名？」、「不如叫EFGHI」、「笑死，點解可以越嚟越怪」、「現場人識唔識讀，定逐個單字讀出嚟」。眼見多人取笑名字，有網民即出面稱「真係有呢個字，唔識代表你無知」，而「Abcde」的讀音並非「a-b-c-d-e」，而是「Ab-si-dee」，已不論男女亦有人叫作「ABCDE」。