拍拖結婚使費全由屋企出　不孝阿哥密謀獨吞兩老單位　細佬：可以點應對？

Jun 13 2023

講錢傷感情！近日有網民在香港討論區上發文分享，表示自己阿哥想「呑咗阿媽層樓」，本來阿媽已經決定層樓平均分配給樓主三兄弟姐妹，但阿哥卻連同阿嫂一起威逼阿媽更改平安紙，要求「將層樓只留給他一人」。樓主在文中大呻「阿哥結婚同拍拖嘅錢都係屋企出」，對於現況不知如何是好，希望能請教網民應對方法。

阿哥拍拖結婚使費全由屋企出　爸爸過世竟想獨吞層樓！

網民在討論區發文表示，自己一家五口有3兄弟姐妹，「屋企層樓係阿爸出首期，我同家姐出錢裝修」，由於阿哥遊手好閒，所以沒有給家用阿媽。而樓主及家姐每個月都有定時給家用，「阿媽將我哋比佢嘅家用，同阿爸比佢嘅家用，全部都用嚟供樓」。到後來樓主及家姐分別結婚後都搬到外面住，因此家用亦減少了，「阿媽先開始迫阿哥正正經經搵份工做，叫佢比家用」，阿哥之後每個月都給阿媽大約三至四千元，連同阿媽的積蓄，都能勉強供到樓。

單位有網民因屋企有金錢糾紛而上網求意見示意圖，非當事人） — 有網民因屋企有金錢糾紛而上網求意見（示意圖，非當事人）（圖片來源：《向西聞記》劇照）

後來樓主阿哥拍拖及結婚，但一切開支都是由父母幫忙出。樓主指阿哥結婚後依舊跟父母一起住，亦有給家用，而買餸錢就由阿嫂出。到後來層樓供滿之後，樓主爸爸過世了，「阿哥同阿嫂開始迫阿媽將層樓個名轉比佢」，由於樓主阿媽認為層樓每個仔女都有份，因此拒絕了阿哥的要求，更一怒之下立了平安紙，把層樓分配給樓主三人各一份。

單位爸爸過世後，阿哥居然就叫阿媽將層樓轉名。示意圖，非當事人） — 爸爸過世後，阿哥居然就叫阿媽將層樓轉名。（示意圖，非當事人）（圖片來源：《向西聞記》劇照）

不孝阿哥密謀獨吞兩老單位　仲迫阿媽改平安紙

面對層樓不能獨吞，阿哥當然勞氣。「阿哥同阿嫂知道後就發爛渣話佢係大仔應該層樓要比晒佢，又話佢呢十幾年嚟每個月比幾千蚊家用阿媽，所以層樓就係佢供嘅」，阿哥認為媽媽不應把單位分給樓主及樓主家姐，後來更跟阿嫂一起威逼媽媽要再立過一張新的平安紙，同意把層樓留給他一人。樓主表示媽媽因為此事而感到不開心，但因為「阿媽又好錫阿哥，又唔捨得鬧阿哥，只好死忍，而家阿媽成日話想死咗好過」，所以希望向網民尋求意見。

單位阿哥更不孝叫呀媽改平安紙。示意圖，非當事人） — 阿哥更不孝地叫呀媽改平安紙。（示意圖，非當事人）（圖片來源：TVB《香港愛情故事》劇照）

網民勸和解：可以的話大家心平氣和解決佢

此文引起網民熱烈討論，有網民認為在老人家角度，只求一家人開開心心，「錢銀其實過眼雲煙」、「可以的話大家心平氣和解決佢」，認為如果樓主及家姐能力許可的話，就無謂因為錢而再起爭執令阿媽不愉快，亦認為「畀晒阿哥算數」；亦有網民認為既然已經立了平安紙，當老人家百年歸老時，問題就會自然解決，「只係老人家呢幾年唔會生活得開心囉」，同時亦有部份網民覺得，只要把層樓賣出後，再把錢平均分配，事情就得以解決。有網呢主張和平解決，但亦有人為兩老感到不值，指「一係你叫你呀哥還返晒拍拖同結婚啲錢出嚟先囉，呢個時候最緊要企硬！如果唔係就貪得無厭㗎啦」。