房署職員突上門查公屋戶身份證 網民留言兩極 質疑事主：咁緊張做咩！

公屋住戶爆房署職員突上門 做家訪+查身份證

有關公屋住戶的問題屢見不鮮，不時都會看到有公屋戶或正在輪候公屋的人有不同的爭論，而近日政府亦宣佈要嚴打「公屋富戶」，將會慢慢做檢查和核實資料。其實房署定期都會安排職員上門做家訪，期望能夠了解公屋戶的居住情況。早前，一位公屋住戶就在討論區上發文，直指他的屋苑保安有一日突然帶著一名自稱房署職員的後生仔上門，並要求事主開門讓他進行家訪及出示身份證，令未有事先收到通知的事主一頭霧水。

發文問唔應門後果 原因其實好簡單

事主表示保安當時向房署職員表示隔壁單位無人在家，「旁邊屋他們似乎不查」，因此特別好奇房署職員突然上門家訪的目的，又詢問一眾網民「如果剛好我是訪客，會有咩下文？如果我扮不在家不開門，又點？」有網民就主動解惑指房署做家訪十分平常，主要會以抽查的形式進行家訪，以打撃濫用公屋，「睇下有冇濫用，有時係因為畀人隊，有時係抽查」、「只係例行檢查」、「有可能係抽查，所以唔係戶戶都去，如果係訪客，唔喺度住咪照直講囉」。

根據房屋條例第22條的規定，房屋署職員會進行每兩年一次的家訪調查，以核證公屋及中轉屋單位的住用情況。房屋署職員會使用行動裝置進行家訪。在家訪調查時，住戶需要出示身份證明文件，以便房屋署職員核對戶籍資料。

有關職員亦會將住戶的實際居住情況與電腦記錄核對，及將巡查結果記錄於行動裝置。若住戶的家庭狀況有所變更，例如有成員出生、死亡、結婚或遷出等，住戶應即場通知房屋署職員，隨後再辦理加戶、減名或批出新租約等手續。此外，職員更會利用家訪的機會，偵測單位有否不正常的使用情況，以確保公屋資源沒有被濫用。

網民留言兩極 反質疑事主：咁緊張做乜？

事主的發文引起網民熱烈討論，而網民的留言十分兩極，有網民就認為房署的定期家訪「擾民」，揚言「唔一定有人，唔洗返工返學？」、「真係唔好應門， 而家d呃人好倡狂架」。不過，大批網民就讚房署此舉是德政，「做得好，防止濫霸公屋」、「突然家訪做法正確，如果預早通知，違規D人就會預早準備就唔可以查到嘢」、「應該係咁做，只係房署愈來愈懶」，更有網民質疑事主如此大反應，「係咪身有屎？」