張文慈北上住幾年後變臉數臭香港　稱6件事好落後：連網購都無！

Oct 4 2023

亞姐出身的張文慈曾轉場到TVB效力，拍攝幾部重頭劇集，而早幾年更轉戰內地市場，北上生活之餘亦不停進行直播帶貨的活動，甚至直播到落淚。現年5字頭的她，北上生活了數年後再度返港，但就於網上大呻「好唔習慣」，認為住慣了先進的內地，返港「咩都無」難適應，當中有6件事有最深體會，結果惹來內地網民共鳴。不過一眾港人看到其分享後大指她「講大話唔眨眼」，認為每句都與現實不乎，為博流量「咩都講得出」。

張文慈拍片大呻「在港生活好唔慣」　稱內地太先進太方便

早前張文慈於網上和網民聊天，指自己在內地住了一陣子後，近日再度返港，惟香港生活令她太不習慣！指自己在內地生活只需帶一部電話、粉餅及唇膏已可出門，但在香港根本不可如此輕便裝，「次次都要帶個大袋，因為要裝好多嘢」，隨後再提以下在港生活的5大不便，惟被網民逐點反擊！

1.香港買嘢仲要畀現金

張文慈在片中拿出銀包並激動地稱：「而家喺香港買嘢都仲要用現金，好似去茶餐廳同街市，都記得要預備現金」，並指買昂貴物品時就要用信用卡、搭交通工具就要用八達通。而港人則指現時還有PayMe、轉數快等方法付款，不要自己脫離香港現實太久「又扮專家」。

2.出街一定要自備及充電寶

內地出街不怕電話沒電，因為隨街都可租借充電寶，張文慈就此指香港街頭沒有充電寶可租借，一定要自己自備攜帶出街。港人一見到此說法，即指「你當ChargeXXXX死㗎？周街都有得借，係你大鄉里唔去搵唔識，唔係香港落後無呀，亞姐」。

3.抱怨香港好多餐廳會限時

港人指深圳不少餐廳都有限時，不解為何值得一提來數臭香港。

4.嫌外賣附加費太貴

她續指香港外賣太貴，稱「唔係呀嘛，送外賣附加費要20幾蚊？咁咪仲貴過我喺內地食一餐？」，港人即反駁指香港和內地物價根本沒得比，甚至來貨源地不同，價格不同，「如果香港人工同內地一樣，到時就真係慘絕人寰，你都50歲有多啦，而家先嚟講呢D無腦說話？你呢幾十年簡直白活」。

5.香港冇網購

「用完嘅嘢要出街買，竟然無網購」，最後更大讚內地生活非常方便及先進，形容自己「回不去了」稱：「其實呢幾年喺內地生活，我真係已經深深融入咗廣州嘅生活習慣，同埋真係感受到方便、繁榮、先進」。港人再次踢爆其離地生活，指香港網購多到驚，「HKtvmall、Foodpanda都有Panda mart啦，仲有其他小型D嘅都大把，自己唔識呢就唔好屈，唔知咪問吓D真香港人囉，發放錯誤訊息博流量」、「亞姐出身做乜都紅唔起，就靠講大話博流量。