年青人港鐵車廂食麵包被港女偷拍放網　網民籲體諒後即發火：咁都要包容？

Aug 21 2023

港鐵規定在已付費的範圍內，乘客不准飲食。日前，有女乘客在港鐵車廂內，因不滿一名年青人違反規定，在車廂中食麵包及飲紙包飲品，拍了他的照片放上網公審，明言「世界真係變了」，雖然有網民不認同年青人在車廂飲食，但更不恥女乘客「小題大做」，又炮轟女乘客沒有當場上前指正，只懂上網公審十分無聊；亦有網民好言相勸，「又唔係濃味嘢，可能趕唔切食早餐，又趕又餓，體諒吓啦！」

看不過年青人車廂飲食違規女乘客嘆：世界真係變了

日前，一名女乘客發文指「車內不准飲食，仲要係一個後生仔，哩（呢）個世界真係變了」，附圖中一共有4名乘客入鏡頭，其中一名身穿黑衣的年青人在中間座位正在吃著麵包、手拿紙包飲品，似乎是在進食早餐；另外在年青人的左右兩邊各有1名男乘客玩手機，相片的左面有一名站著的女乘客。

港鐵女乘客看不過年青人車廂飲食違規慨嘆：「世界真係變了！」 — 女乘客看不過年青人車廂飲食違規慨嘆：「世界真係變了！」（圖片來源：FB@大埔TAI PO）

欲斥年青人反被斥小題大做　網民：你仲衰過人哋喺車度食嘢

雖然該名年青人明顯違反港鐵不准在已付費區域飲食的規定，但女乘客的帖文引來眾多網民的反感，竟然圍爐失敗。有網民反斥女乘客：「港鐵附例唔畀人飲食，亦都唔畀人拍攝，樓主係咪想舉報自己？」、「唔係話佢啱，但係食個包都要咁樣畀人擺上網。」、「行埋去同佢講丫嗎，同我地講做咩姐，我地個樣似地鐵職員咩？」、「又唔係食榴槤、臭豆腐、車仔麵」。

港鐵港鐵車廂作為公共空間，成為乘客的公德心及體諒的角力場示意圖，非當事人） — 港鐵車廂作為公共空間，大家都自動自覺守規矩（示意圖，非當事人）（圖片來源：新假期編輯部）

女事主不滿被鬧再作反駁　網民：你冇係車站內飲過水？

有網民好言相勸：「體諒吓啦！可能一落車就要即刻開工？」女乘客曾一度反擊不同意她的網民：「個個香港人，有邊個唔係趕返工，個個都係咁，咁洗乜有罰呀！」但女乘客的反應令更多網民無名起火：「你冇係車站內飲過水？你冇跌過垃圾係地下冇執？」、「咁你偷影完放上嚟係想點，點解你唔即刻同位後生仔講唔好車廂食野而選擇偷偷地拍完放上嚟，為左乜？」女乘客一直沒有回應數天，但有網民留言表示留意自己已被女乘客封鎖，也有網民追擊女乘客轉發帖文：「希望相中四人其餘三個睇到呢個帖，報警有人於港鐵範圍偷拍。」

港鐵網民炮轟女乘客：「你冇係車站內飲過水？」示意圖，非當事人） — 網民炮轟女乘客：「你冇係車站內飲過水？」（示意圖，非當事人）（圖片來源：SBS《繼承者們》劇照）

《香港鐵路附例》第25及27B條條文

根據《香港鐵路附例》第25條，任何人不得在列車上或在鐵路處所任何部份，作出對其他乘客造成滋擾或煩擾的行為，違者可被罰款$5,000；而《香港鐵路附例》27B條則列明，任何人不得在已付車費區域內（港鐵公司或第三者從中國任何其他地方運載乘客到香港或從香港運載乘客到中國任何其他地方的任何列車除外）進食或企圖進食任何食物或飲用或企圖飲用任何飲品（不論是酒精類或非酒精類飲品），違者可被罰款$2,000。