工人姐姐堅持煮飯著背心熱褲　人妻不滿老公狂望憂出事：點樣令佢著返衫啊？

Jun 9 2023

天氣越來越熱，衣著越來越清涼亦無可厚非，不過有時亦要注意場合和身份。早前，有外傭顧主就在網上發文，表示自己的工人姐姐可能好怕熱，在家做家務時的衣著越來越少布，更在勸說下仍堅持著激短上衣及短褲煮飯！而最令人妻不滿的，正是老公在家中亦會「𥄫實」工人姐姐，令她不禁高呼「睇到眼火爆」！

人妻不滿工人姐姐衣著清涼　崩潰高呼：佢仲要身材幾好

外傭僱主與工人姐姐之間不時都有矛盾，當中原因更鑊鑊新奇。早前，一位人妻就在網上分享與工人姐姐的衝突，直指雖然理解天氣熱會著得比較清涼，但家中的工人姐姐卻著得過分少布，有時更會直接著「激短上衣加短褲走出嚟」，加上她承認工人姐姐「都算身材幾好」，令她更為無奈。

工人姐姐示意圖，非當事人） — 工人姐姐在家中的衣著越來越清涼。（示意圖，非當事人）（圖片來源：TBS《逃避雖可恥但有用》截圖）

工人姐姐堅持著激短上衣和短褲煮飯　反問僱主：想熱死我？

事主指自己曾經向工人姐姐提出「著多啲衫」的要求，惟工人姐姐一直未有理會，只稱自己「怕熱」，又指如果著太多衫煮飯的話會「熱死」，令事主認為自己被工人姐姐視為惡人，「好似好黑心」、「咁熱都要佢著多啲布」。事主又指其實自己只是希望工人姐姐至少能穿上一件「正正常常嘅短袖」，但工人姐姐一直不聽。

擔心影響老公及小朋友　網民：其實係咪你老公嘅意思？

最令事主不滿的，是家中小朋友經常都會看到衣著如此清涼的工人姐姐，擔心造成壞影響，而事主老公經常「𥄫」工人姐姐的行為亦令她「睇到眼火爆」。網民看到事主的發文後，紛紛留言討論，有同為僱主的網民就坦言自己亦曾遇過同樣問題，只好循循善誘慢慢要求工人姐姐「著多件衫」，亦有教路「買啲薄短袖、背心俾佢」。亦有網民指「係咪你死都唔畀佢開冷氣，佢為咗報復而咁做」、「你開大個冷氣，唔信佢凍會唔著多件衫」。不過，有網民就笑稱工人姐姐之所以如此「放肆」，有機會全靠事主老公在背後「撐腰」，更搞笑詢問「其實係咪你老公嘅意思？」