港女遇鄉音女叫停「跌咗嘢」 檢卡片見1字細思極恐 網民推測3個心寒企圖

鄉音女叫停港女稱「跌咗嘢」

事主在Threads上以「《細思極恐 防人之心不可無》 – 詭異故仔」為題發文，她表示，當日她與朋友約好在天水圍天瑞商場取快遞，之後經過中國銀行外的ATM機時，突然聽到身後傳來物件跌落的聲響。隨即有1名身穿白色上衣、戴著白色口罩的中年女子，用帶有鄉音的廣東話向她喊道：「靚女，妳跌咗嘢呀！」事主回頭一看，發現地上散落著幾張白色卡片，正當她感到疑惑之際，該名中年女子再次指著卡片堅持說：「係妳㗎，係妳跌㗎。」在對方的一再堅持下，事主不疑有他，彎腰撿起其中兩張卡片查看。

「失物」背後真相細思極恐

當港女將卡片翻轉過來時，眼前的景象令她大吃一驚，「睇係兩張白色印住紅色福字嘅卡片，個下感覺有啲詭異！」事主頓時感到詭異和不安，直覺告訴她事情並不簡單。她立即將卡片丟回地上，皺著眉頭向中年女子表示這些卡片並非自己所有。然而，接下來發生的事情更加令人匪夷所思。該名中年女子竟然突然改口，聲稱：「係我㗎喎，點解咁奇怪我啲嘢會跌咗喺地下嘅……好奇怪喎好奇怪……」說完便將所有卡片撿起帶走。這種前後矛盾的行為，讓港女感到極度困惑和恐懼。事後事主回到家中越想越覺得不對勁，遂在Threads發文求助：「明明條中女一開頭好肯定話啲卡片係我跌，跟住最後又認返自己跌仲執返……」，這種刻意安排的行為讓她聯想到中國傳統習俗中關於不要亂撿東西的禁忌，令她「背脊發涼」。

網民推測3個心寒企圖

迷信「搶福」手段
不少網民認為這是一種「搶福」的迷信行為，意圖轉移福運或禍事：「搶福……轉禍、轉病，將唔好嘅嘢，故意整落地，引人腳踩或手撿」、「妳掂過嘅福字，即妳嘅福運，被她拿走了」、「如果係冥婚你就仲大獲，所以下次唔好亂掂野啦」、「似係借運嗰啲」。
事件恐怖應提高警覺
有部份網民直呼「恐怖」和「心寒」，有經驗的網民提醒：「不要好奇，不是自己啲嘢千萬不要摸」、「下次唔好掂奇怪嘢，百無禁忌無事」、「吾好好奇，吾好有貪念，吾係自己啲嘢千萬吾好摸，否則有排衰，好多養鬼仔，小心小心」。
迷信與現實風險並存
亦有部分網民認為這只是迷信，「不信則無，百無禁忌」，但大多數人仍建議不要隨意撿拾他人物品，以免遇上碰瓷黨或詐騙：「唔好迷信啦，信則有、不信則無，你反而應該提醒自己下次唔好手多多，一陣間遇著碰瓷黨，屈你偷嘢，或者整爛佢啲嘢要賠錢，你仲麻煩」、「唔好同佢一樣迷信，唔好拉低自己智商，覺得佢係傻嘅就無問題」。