天文台改掛9號風球前15分鐘先通知 市民滯留各區如身於孤島：機場仲慘！
「小犬」化身「暴犬」，昨、今兩日香港橫風橫雨，而天文台更於昨日下午大約6時45分宣布7時改掛9號風球，港鐵亦隨即於7時正宣布停駛，大批剛放工的市民搭車期間被逼落車，滯留戶外及車站，叫苦連天。近2000人湧入香港天文台Facebook專頁留言狂鬧，指「唔係星期一至五就以為無人返工？畀你玩X死啦X你老X」，更貼上多圖反映苦況，的士叫價更越來越高，Uber同樣開天殺價。
天文台前助理台長梁榮武：其實科學上未達標轉9號風球
天文台昨（8日）臨改發9號風球前15分鐘才通知大眾被鬧爆，今（9日）又被指最大雨時竟由黑雨轉紅雨好無稽，而天文台前助理台長、香港氣象學會發言人梁榮武接受訪問時指，天文台今次發出的9號風球「科學上其實未達標，但天文台發出風球嘅目的係保障市民安全，若然未有掛9號風球的情況下再即掛10號風球，會令社會混亂」。他補充指，從雷達圖像已可明確看到小犬眼壁已碰到香港南邊，與香港已經非常接近，若再走近約30公里，本港便會受颶風正面吹襲，因而理解天文台改發9號風球，反稱八號風球的風險已經很高，市面應停頓，僱主亦應考慮員工安全，「真係唔應該百業仲好興旺，唔係一個好現象」。
天文台掛9號波前15分鐘先通知 港人收工被逼落車嬲到震
截至天文台晚上9時45分消息指，目前最接近本港，並會在未來兩三小時與香港天文台保持約60至70公里距離。受小犬影響，本港多處地區吹烈風，離岸及高地間中吹暴風。過去一小時，黃茅洲風力繼續增強。與小犬相關的強雨帶正影響本港。港將由吹偏北風逐漸轉為吹偏東風，原來受遮蔽的地方可能會變得當風，市民需保持高度警覺。天文台會視乎本地風力變化，評估是否需要發出十號颶風信號。
荃灣西、大埔多人滯留 酒店Book爆、的士叫價到$1,000
今次港人再次鬧爆天文台，認為「唔係星期一至五就以為無人返工？畀你玩X死啦X你老X」，指自己搭車中途收到消息改掛9號波，港鐵隨即7時正停駛，要求所有乘客落車。市民焗截的士但仍非易事，有網民指「加到400都無人肯接，新界又唔入，聽到個加到$1,000狼到死」。而天文台Facebook遭洗版，除了「下次早一個鐘通知市民」這種較溫和語氣外，最多人插爆天文台「唔體諒返工人士」，指「你有無諗過香港市民，大把人返工放工，大風大雨你唔係十分鐘前預測到呀嘛」、「真係X你老X，玩死我哋你好開心係咪，無人性」。而港鐵最後指車站會通宵開放，提供有限度水及乾糧給需要的市民。
