啟德AIRSIDE被激讚靚到似K11 MUSEA　港女反發文警世勿去：搭𨋢變玩跳樓機！

Oct 3 2023

啟德AIRSIDE開幕6日，網上對這個新商場的評價好壞參半，有人大讚「靚到似K11 Musea」，但亦有人指其「光環不再」，指去完覺得直頭係「蹝AIR」。而近日有港女更於LIHKG討論區發文警世指「千祈唔好去Airside」，稱自己遇到可怕的「跳樓機」事件，心有餘悸，同時對商場的處理手法大不滿！

港人激讚啟德AIRSIDE靚到似K11 MUSEA　網民：佢光猛D

啟德AIRSIDE開幕不足一周，網上已有不少人開Post、拍片大談其設施，有人於網上討論區發文指「個場靚到好似啟德版K11 MUSEA」，認為雖然物價及餐飲都偏貴，但「入面好多展覽都睇出用咗好多時間和心思準備，絕對唔係hea，整體商場內部用上特別的環保物料，感覺潮得來都grand，又有好多文藝元素」。而有不少留言亦指「真係幾好行，又闊落，泊車都OK」，但認為AIRSIDE較尖沙咀的那個商場光猛。

港女反斥啟德AIRSIDE好「SIDE AIR（蹝氣）」　搭𨋢變玩跳樓機

不過另一邊廂就有不少港人反指Airside「直頭係蹝氣（Side Air）」。事關有港女稱自己於商場新開張數日後，專程和家人到上址湊熱鬧，惟只逛了10分鐘就已經與家人打算乘搭升降機離開，「點知搭lift變咗搭跳樓機，boom一聲free fall 兩層，度門重要爆埋，商場staff叫師傅叫咗好耐都冇人嚟，叫人呆企50分鐘」。

啟德airside 港女升降機急墜後，𨋢門都爆埋 — 升降機急墜後，𨋢門都爆埋（圖片來源：討論區截圖）

網民質疑事件真偽：點解會無受傷？

事件引來網民關注，並指「Free Fall兩層咁危險？有無受傷，如果係真，真係唔敢去」、「點解困50分鐘都無人理，無報警？」、「到底吹水定真有其事」，不過有網民指「人哋有埋相都可以話假，要入晒醫院先當真？」而事主亦有補充指當日為中秋節，懷疑維修師傅已回家團聚所以等候時間較長，至於被網民質疑「點解唔自己報警」，她則指「我屋企人話要報警，但個staff好似扮真係聽唔到」。網民看到分享後，紛指「呢個場真係Side air( 嘥氣) 」、「喺部𨋢入面等50分鐘嚇到瀨X，唔知會唔會突然斷纜」、「去airside搵命搏」、「真係Airside – 令你置身空中」。