老闆叫員工連返4日工後竟被「X你老X」　對方一個解釋即過骨　網民：高招！

老闆提員人上班被問候娘親 員工完美示範鬧老闆全身而退的藉口

老闆和員工必定要「上尊下卑」？不！早前荃灣一間食肆的老闆正正示範了一個「員工同老闆都可以好friend嘅例子」。據Facebook專頁「和順記-荃灣雞脾王」一帖文可見，老闆以短訊提醒一名兼職員工週末前後需一連返足四天，員工在回應時禮貌地表示：「好呀好呀唔該你陳生X你老母。」老闆在帖文中表示：「都係想排更表啫，平時可能要求多咗少少，有咩得罪咗，真係唔好意思，知道你想鬧我好耐。」及後員工已立刻解釋是其老公在旁爆粗，恰巧語音輸入法將之錄下並傳送，並非存心鬧老闆。老闆又指出，員工在事件中「完美示範咗點樣禮貌地鬧老闆而不失霸氣」，只要辯稱說成是另一半的錯就可以「過骨」。

網民大讚「客氣X人」反差萌：呢個好笑

帖文一出，惹來大量「花生友」紛紛留名「學嘢」及「搧風點火」，「執完一鑊然後say sorry，幾溫馨」、「依家手機功能真係發達，連心入邊嗰句都錄到！」、「雖然佢真係好有問題，但係我真係忍唔住笑咗對唔住，佢有禮貌得來，又不失霸氣！」、「呢個客氣式X人的反差真係好正」、「果然係人一世物一世，不如X9個老細」，及後老闆與網民積極互動透露，「不如過嚟荃灣食雞髀，見識吓X我老母嘅員工啦，平時佢講野都好大聲，但又好有禮貌㗎！」、「呢D好老闆，真係唔係間間有，你試吓對方係女人，到時就真係X你XX」。

開明老闆被員工逼推「全港首創粗口感謝祭」 食客只講一句話即享9折

另有網民亦與員工站在同一陣線，「我都試過，好彩係同朋友」、「我都試過，我絕對相信你位同事」、「試過唔止一次」。有不少網民好奇老闆會如何處置員工，老闆表示該名是位能幹的員工，事件只是笑話一則，「大家笑吓又一日，減吓壓」，老闆再三更新翌日員工上班時來一個「世紀和解大合照」，在場食客問：「原來就係你講粗口？」員工即尷尬地回答：「最衰都係我老公！」事件深得網民歡心，老闆又表示被該名有禮貌的員工逼推「全港首創粗口感謝祭」，為答謝相信她不爆粗的食客，早前推行了兩天活動，客人只須說出「好呀好呀唔該陳生」即可享9折優惠，事件完滿落幕。

資料來源：FB@和順記-荃灣雞脾王