有錢人買名牌專登「真假撈嚟用」　用A貨無人懷疑　網民：無人覺得有問題？

有錢朋友竟是買A貨常客　自稱「我真假撈亂用」

樓主指朋友家庭背景屬於有錢類型，甚至需要有家族辦公室去打理事務，可見財力非凡。樓主朋友有一日將一大堆手袋照片傳給樓主，當樓主以為朋友是精品店熟客而有折扣的時候，朋友才爆出一句「好真㗎，一唔一齊買」令樓主感到非常錯愕。細問方知手袋是來自微信A貨，樓主朋友更話假貨的造功有如真貨，九成似無人會發覺，更一直是真假撈亂用。

網民：只要你個形象係有錢人，用假貨都唔覺假

帖文一出，得到不少網民同意，也有人反問為何不直接用無牌子物品而非假貨，卻引來一位網民點出指「因為有錢人用假嘢唔會畀人睇得出，好多人睇嘢嘅思想步驟係：『佢用名牌好有錢 ＞ 唔係喎假野嚟喎 ＞ 但無理由喎佢有錢㗎喎』」，整個思路都提醒了大家兩次「佢係有錢人」，無牌子做唔到呢個效果。

也有不少人認同，如果對方本身就是有錢人，就算用假貨你都會以為是真貨。有網民更話，曾經有朋友是做珠寶生意，有闊太會訂製有牌子的仿鑽，一隻價值30萬的鑽戒，訂製仿鑽只需3-10萬。甚至有人話，親戚年薪過百萬，但所用的一千零一個名牌袋是假貨，只是用來日常充撐場面用，但「無人覺得有問題」。

網民：基層先靠真名牌扮上等

網民反觀，有不少做倫敦金、保險的人士卻一直要追名牌扮上流，甚至要全身名牌去追求其他人認同，基層方要幻想有錢人的生活，去追求自己成為一份子。有網民一語中的指出，就算基層全身名牌，也沒辦法打入全身假貨的上等人圈子，他們用名牌都會被質疑是否真貨。

網民反駁：身邊有錢人唔識買假貨

經過一輪討論，也有網民指以上種種根本是「基層」幻想，如果無有錢人去名牌店購物，難道裡面維持生意額的都是無錢的人？也有人指，有錢人根本無辦法接觸到假貨，就算名牌要配貨的價錢，對他們來說也是不痛不癢。而且一切討論也只是自己朋友、親戚的道聽途說，根本無有錢人出來參與討論！