將軍澳連鎖店員工｜出餐位公然偷食客人餸菜？影片瘋傳網民熱議：其實係咪試毒

農耕記員工出餐位公然「打貓」 同事全程直擊無反應

根據網上流傳的影片，事發地點為將軍澳坑口一間名為「農耕記湖南土菜」的連鎖食店。片中清晰可見，一名身穿黑色制服的男員工正站在繁忙的出餐位置，他低頭處理一碟看似準備送出的餸菜時，突然用手折開一小節食物並迅速放入口中。更令人驚訝的是，他身旁另一位員工對此行為似乎「見怪不怪」，全程目擊卻絲毫沒有阻止或表露驚訝，繼續處理手頭上的工作。上傳影片的網民更留言指控：「有人影到將軍澳坑口……農耕記湖南土菜啲外勞員工偷食客人餐，好彩我從來都無去」。影片曝光後，員工的舉動及同事的冷漠反應，立即成為網上熱話。

網民狠批噁心兼無衛生 質疑偷食已成習慣

影片引發大量網民留言炮轟，不少人直斥該員工行為噁心，嚴重影響食慾及餐廳聲譽。有網民認為這絕非單一事件，推測：「應該一直係咁偷食，食客先會一路拍住佢，等佢再出手」、「唔係偷食，係明食」。更有網民聯想到餐廳的整體衛生問題，留言分享個人經歷：「有一次我見到佢啲廚師去完廁所唔洗手，就咁入返入去間舖頭，絕對唔會幫襯」。亦有人諷刺食物鏈：「入面煮果個食完，到遞出去果個『打荷』食，然後先到呢條友食咋」，言談間充滿對食安問題的憂慮。

行內人爆料「打貓」屬常態 網民錯重點：證明啲嘢放心食

在一片罵聲中，亦有自稱從事飲食業的網民現身說法，指出員工「偷食」在行內被稱為「打貓」，是存在已久的潛規則，「其實『打貓』呢樣嘢響存在咗唔知幾多百年，只不過以前冇手機影唔到俾你睇啫」。不過，該行內人亦批評涉事員工做法不智：「做個高級餐廳嘅話你知，基本上每個員工都會食客人嘅嘢，只係唔會咁XX喺廳面做，一律只會喺BOH（廚房後場）食」、「老闆你睇到條片你會點做？點解你會請個白Ｘ癡嘅，偷食入廚房吖」。另外，亦有網民抱持懷疑或幽默態度，提出：「冇影到交俾食客喎，唔俾呢碟嘢係整俾員工食嗎？」、「吓，員工餐？有晒擺盤喎」。更有網民錯重點笑言：「員工偷食得，證明廚房衛生唔錯，啲料亦都冇問題」、「正面啲好冇？即係話啲嘢真係可以放入口，放心食啦」。