港媽遊日拍片曬仔搶土耳其雪糕｜竟大讚「思維比人高」！網民圍剿：無禮貌當有性格？
男童日本檔口突襲搶雪糕 店員一臉錯愕
根據該名港媽上載的影片，事發地點為日本一間土耳其雪糕檔。當時店員正拿著長長的鐵棍，準備與男童上演一場經典的「戲弄」互動。豈料，男童突然出手，一手緊緊抓住鐵棍，另一隻手則迅速伸向雪糕筒，意圖直接搶奪。這突如其來的舉動讓原本滿臉笑容的店員瞬間錯愕，手足無措，現場氣氛變得相當尷尬。在旁的媽媽及親友見狀，立即高呼「NO、NO、NO，你咁樣就冇㗎啦」試圖阻止，但為時已晚。最終，店員放棄了互動表演，一臉無奈地將雪糕直接遞給了男童。男童成功取得雪糕後，向媽媽表示「我就係唔想咁樣」，而媽媽則笑著回應「人哋唔同你玩啦」，整個過程被完整拍攝下來並放上網。
港媽發文力撐愛兒：思維比好多人高
事後，該名港媽在帖文中不但沒有認為兒子的行為有問題，反而大讚他有性格，更認為這是兒子精心策劃的結果。她寫道：「佢頭先真係話佢睇過好多次，所以佢一直諗自己可唔可以一下就攞到，點知佢成功左。」她表示聽完兒子的解釋後，覺得自己錯怪了他，更將這種行為形容為「擊破遊戲都係遊戲一部分」。她透露兒子事後非常高興，更興奮地說要回學校向同學炫耀。該港媽進一步解釋，兒子認為「個老闆諗住scam（欺騙）佢」，所以才決定不跟規矩玩。對於店員變臉，她形容對方是「嬲豬」，反指專業的店員應思考如何「破解」兒子的動作，並自豪地表示：「思維比好多人高，做人唔一定要俾人牽住個鼻走」、「俾錢玩係想for fun，佢只係用自己嘅方式玩。點解一定要俾人玩，而諗辦法去一下擊破係有問題，反正依個遊戲係無規則的。」
網民洗版狠批港媽：無禮貌唔等於有性格
帖文發布後，隨即在網上瘋傳，引來大量網民洗版式留言，輿論幾乎一面倒地炮轟港媽的教育方式。不少網民怒轟男童的行為是「冇家教」、「無禮貌唔等於有性格，破壞人哋嘅表演、唔尊重人哋嘅文化，絕對唔係『有性格』」。更有人直斥：「剩係見到個以為自己好醒嘅傻仔同盲目支持佢嘅媽媽」。有網民理性分析指，購買土耳其雪糕本身就代表同意參與其遊戲規則，「你個仔想唔跟遊戲規則，直接用暴力去解決，呢個就係問題」、「咁如果去夾公仔機一直都夾唔到點樣破解？一嘢打爆部機伸隻手入去拎？」不過，亦有少數網民力撐男童，認為他「做咗好多人想做嘅嘢」、「叻仔，唔使買個雪糕都俾人玩」，更有人留言反擊批評者：「喂，正義x你哋過馬路，閃燈唔好行出去呀，政府話唔得。食壽司拜託一定要將芥末放上壽司上面先好食，唔好溝豉油，咁先係尊重當地文化。」事件引發正反兩方激烈辯論。
