年邁的士司機驚現「昏迷式駕駛」｜乘客全程直擊13秒驚險畫面：成家人條命喺佢手上
士司機隧道口「舂眼瞓」 乘客直擊昏迷式駕駛
事發在數天前，有網民於社交平台Threads上傳一段長約13秒的影片，畫面中一名戴著口罩的年長的士司機，正沿將軍澳隧道往九龍方向行駛。雖然司機雙手緊握軚盤，但雙眼卻疑似完全睜不開，頭部更隨著車輛行駛而不斷向前晃動，疲態盡現，情況令人咋舌。拍攝影片的乘客在文中無奈寫道：「你哋估吓佢係瞓着咗，定係隻眼細？」他坦言，雖然明白老人家年紀大仍要為口奔馳十分無奈，但安全問題更令人憂慮：「雖然年紀咁大都要養家好慘，但係我成家人條命喺佢手上，仲慘仲驚。」他期望政府能正視問題，考慮立例監管的士司機的年齡。
網民狠批乘客只顧拍片 另一派反駁：嚇親司機仲危險
影片曝光後隨即在各大社交平台引起激烈討論，不少網民認為司機的行為極度危險，嘲諷是「盲開」及「完美示範昏迷式駕駛」。不過，有部分網民將矛頭指向拍片的乘客，質疑他為何只顧錄影而不立即採取行動：「你仲掛住影都犀利㗎啦，大大聲叫醒佢啦」。對此，另一派網民隨即反駁，認為在高速行駛中突然大聲喝醒司機，可能會令對方受到過度驚嚇，或會因反應過激而導致更嚴重的即時意外：「大大聲嚇親佢可能即撞」、「叫佢又驚佢嚇親 唔叫佢又驚無命」，認為乘客當時的處境是左右為難，實在難以作出完美判斷。
網民分享恐怖經歷 力數高齡司機駕駛危機
事件勾起不少網民的恐怖回憶，紛紛留言分享類似經歷。有網民表示，早前與父親由沙田乘的士往荃灣，上車不久便發現年長司機不斷擰頭，行車路線飄忽，更直接踩著兩條行車線行駛。他從倒後鏡驚見司機面部肌肉不受控抽搐及瘋狂眨眼，駛出隧道後更開始垂頭瞇眼，明顯已失去專注力，最終他立即要求提早下車。許多網民雖同情年長司機的生計，但認為安全第一：「佢又慘，咁大年紀都要揸車搵食；做佢個客又慘，見到個司機太老，真係唔想上車搵命博」、「養家絕對唔係一個理由去將其他人的生命作為冒險」。不少人建議，若遇上精神狀態不佳的司機，最理智的做法是立即要求停車並盡快離開，「唔好搵命博」。
