巴士惡男霸佔樓梯拒讓路｜抬頭惡瞪兼鬧爆婆婆 恐怖笑容嚇窒網民：惹唔過！

惡男伸腳堵死樓梯 惡言鬧爆乘客「唔好煩我」

事發於昨日放學時間，事主乘搭的巴士下層已站滿乘客，於是打算走上上層尋找座位。豈料在樓梯轉角平台處，竟被一名黑衫男子完全堵死去路。事主憶述，該男子坐在樓梯平台上，「全程顧住整佢個白布袋，個樣本身已經黑口黑面，眼神兇到好似人欠佢幾百萬」。事主禮貌地表示「唔該借過，我要上樓」，對方非但沒有讓路，反而變本加厲，「再伸多啲，抬頭惡狠狠瞪我」，更以極差語氣回應：「下面咁多扶手企唔到？成日逼住要上二樓做咩，我而家整緊嘢，唔想郁」。其後一位婆婆細聲表示想上樓坐穩一點，該男子竟直接將布袋放在路中心，惡聲惡氣大鬧：「講咗唔得就唔得，要上樓全部等埋，唔好煩我。」即使巴士司機透過廣播要求樓梯口的乘客讓開，該男子依然故我，完全無視。

事主遭恐怖笑容威嚇 直言「唔夠膽踩佢上去」

該名惡男的自私行為，令事主及後方約五、六名乘客被堵在樓梯進退兩難，但礙於對方兇神惡煞的態度，無人敢再上前理論。更令人心寒的是，事主在帖文中附上一張相片，並補充指該男子最後曾對著他笑，但感覺極不友善，充滿威嚇意味。事主坦言：「最後一張相係有影到佢對住我笑，但係佢比我個feel係好似想動手，所以你哋叫我直接踩住佢上去，小弟真係唔係好夠膽」。從相片中可見，該男子雖然嘴角上揚，但眼神冰冷，笑容令人不寒而慄，難怪事主會感到受威嚇而不敢輕舉妄動，只能原地僵持。

網民睇相嚇窒狠批缺德 留言力勸「唔好硬碰」

帖文曝光後，隨即在網上引發激烈討論，大批網民一面倒狠批該男子行為極度自私、毫無公德心。有部分網民認為不應縱容惡行，留言指「應該即刻叫司機停車處理」、「直接踩住佢啲嘢過去」。不過，更多網民在看過該男子的「恐怖笑容」相片後，都感到震驚，認為不應與其發生正面衝突，紛紛留言勸告事主：「平時呢我就會恥笑啲懦弱嘅人，今次唔同，真心覺得呢啲X線嘅惹唔過。」、「對呢種眼神兇狠、有潛在攻擊性嘅人，唔好自行同佢發生肉體碰撞」。更有網民理性分析，建議應在眾人面前作出最後警告，若對方堅持不讓路便報警求助，以保障自身安全。