火炭陳太家居驚魂｜200公斤假天花深夜突塌下險砸死人 設計公司一句話激起眾怒？
陳太深夜返家驚睹飯廳變廢墟
事發在今年9月一個晚上約10時，居於火炭的陳太與丈夫返回住所，甫開門即被眼前的景象嚇得目瞪口呆。陳太向HOY TV節目《一線搜查》憶述：「我一開門就見到一座嘢橫跨咗成個飯廳，當時以為係組合櫃跌咗落嚟，但望一望個櫃係度喎，我先生話係成個假天花冧咗落嚟，我就知今次大件事。」該幅塌下的假天花為實木所製，面積約12呎乘13呎，估計重量超過200公斤，塌下時不但壓爛了兩張椅子，更刮花了牆身。最令人心寒的是，當日家中工人姐姐正放假外出，僥倖逃過一劫，陳太心有餘悸地說：「好彩佢未返，如果唔係嘅話，一定砸死人。」事後管理處證實附近單位並無裝修工程，排除了外力干擾的可能，矛頭直指假天花本身的安裝問題。
設計公司視察後竟稱：冇理由會跌
陳太事後馬上聯絡十多年前負責全屋裝修的設計公司，對方迅速派員上門視察，當中更包括當年的設計師。然而，對方雖然口頭承諾會負責，卻拒絕承認安裝失當，更拋出一句：「啱㗎喎，都係咁裝修，啲釘落夠，冇理由會跌㗎喎。」令陳太一家難以接受。翌日，設計公司開設群組聯絡，陳太方提出包括重做燈槽、牆身批盪油漆、賠償椅子及裝修期間的酒店費用等八大要求。豈料對方自此便採取拖字訣，超過一個月仍無實質行動，當陳生追問進度時，公司僅以官腔回覆「正進行內部評估，以確保後續處理方案嚴謹及妥當」。《一線搜查》記者其後聯絡該公司陳姓經理，對方以現場已清理、無法考究原因為由，並指事件已交由律師處理，拒絕再作回應。
專家踢爆安裝方法極錯：用膠塞遲早出事
究竟假天花為何會塌下？《一線搜查》邀請了裝修專家拆解謎團。裝修學院校長Simon指出，從陳太提供的照片可見，固定假天花的竟是綠色膠塞螺絲，這種螺絲一般只用於懸掛相架等輕型物件，承重力極低。他直言，一個衣架都需要六顆螺絲固定，而重達200公斤的假天花每邊僅用七粒膠塞螺絲，承重力遠遠不足，這種安裝方式在行內極為罕見，潛藏巨大安全風險。資深裝修師傅昌哥更補充，膠塞螺絲通常只作臨時定位之用，傳統木工師傅在定位後，必定會用俗稱「拉爆」的爆炸螺絲作永久加固，這種做法在十多年前已是常規。他檢視照片後驚訝地表示，涉事螺絲長約50毫米，扣除木方厚度後，實際嵌入天花板的長度僅約20至25毫米，他斷言：「所以佢跌落嚟，係一啲都唔出奇。」
網民狠批設計公司冇良心：草菅人命
事件經《一線搜查》播出後，引起網民極大迴響，輿論一面倒狠批涉事設計公司不負責任，罔顧人命安全。大批網民湧入討論區留言，怒斥：「200公斤跌落嚟真係會死人！間公司仲敢話唔關佢事？」、「用膠塞上假天花，個師傅有冇牌㗎？完全係搵命博！」、「拖足一個月，擺明想走數啦，支持陳太告到佢哋X街！」不少網民亦為陳太一家捏一把汗：「好彩工人姐姐放假，執返條命！」、「呢單嘢真係恐怖過鬼片，裝修真係唔可以貪平。」更有網民呼籲大家應以此為鑑，立即回家檢查自家天花及大型傢俬的穩固程度，以免同類恐怖意外再次發生，直指「呢啲唔係意外，係人禍！」
