有片｜公屋女疑因1事被房屋署收樓 大鬧辦事處爆粗怒罵職員：傻X咗啊！

公屋女大鬧房屋署辦事處

網民在Facebook專頁「香港人」以「公屋女大鬧房屋署辦事處」為題發布一段影片，片中見到疑似公屋屋邨辦事處內有名女子舉機拍攝職員，怒斥：「做咩先？房屋署無叫你嚟家訪我，女戶主係我一個，你兩個嚟家訪我已經係唔正確，我問你叫咩名職員編號你做咩唔留低啊？」其後，辦事處職員離開座位走到角落，遮蓋半邊身避開鏡頭，女子繼續大聲炮轟：「第2日，連續3日管理處叫我搬走，即係好好玩啦係咪啊？我唔係同你講笑啊！我而家個單位串咗！你做咩遮X住自己啫？」此時，職員欲言又止，女子激動說：「10年前間屋我都唔X得啦！吓！而家得啊？你傻X咗啊你！冚家X！X街啦去！而家個CAM對X住我屋企又唔X拆咗佢，喂！我要自由啊！大佬！我唔係監犯啊！你唔好同我嚟呢一套啦！你怕乜X嘢瘀啫！吓！我同你一齊返差館我都唔X驚啊！X你老X！唔係同你玩啊，真係！」最終由於女子持續責罵，無法溝通，職員僅表示：「我諗我哋嘅對話要終止。」

公屋女疑被收樓惹衝突

據樓主所稱，該名女住戶因為「房屋署3次家訪不見人」而被收樓，她抱感不滿而到房屋署辦事處怒罵職員：

「而家住公屋，人哋家訪搵唔到佢，即跳出來拍職員同小職員。」

網民反應兩極

質疑房屋署家訪安排不合理

網民認為房屋署的家訪時間和方式欠妥，未能顧及住戶的工作時間或生活習慣，例如：「佢或者返工，朝10晚10。見唔到唔出奇，點解房署唔可留字條，叫屋主聯絡房署，或直接打電話聯絡戶主」、「3次家訪唔見人就要收樓？返夜嗰班怎算？」、「人哋唔使返工咩？」、「政府部門多數家訪，平日上午九點至下午五點，星期六日公眾假期多數不上門，建議家訪前打電話、短訊或寄信畀住戶等等」、「其實日頭無人可能唔出奇」。他們建議房署應更靈活聯繫住戶或利用CCTV等方法確認住戶情況，避免擾民。

支持房屋署依法執法

部分網民認同房屋署的做法，認為收樓決定有理有據，且有助公平分配公屋資源，如：「正常嚟講，收樓好大件事，房署一定有充分理由」、「支持房署依法例執法，攞返啲公屋出嚟畀有需要嘅人住」。他們亦同情前線公務員面對的壓力，例如：「前線公務員真係辛苦晒，成日遇到呢啲刁民」、「發爛渣都無用」。