內地客搭的士稱要去「雞場」　司機問足3個地方都話錯：到底講咩啊？

內地客搭的士稱要去雞場 司機諗爆頭：係咪農場啊

的士司機分享指，有次遇到一名內地客，「一上車話去『雞場』，一面無奈咁問佢即係新界農場？係邊區咩村？佢就一直話雞場雞場，唔通砵蘭街」。

然後個客話：「估唔到香港地方細細有咁多雞場，咁你平時去旅行用邊個雞場」。的士司機此時恍然大悟，原來他口中的「雞場」，是「機場」，弄得滿頭問號。

網民：真係試得多

事件引來不少共鳴，有業內人士分享指「有位乘客叫我行棧道，其實係繞道」、「弼街變粥街，以前有個親戚去弼街但鄉音問題讀左油麻地碧街」、「海濱道變『喺邊度』」、「同上次條福街一樣，荃灣上車去『腎黎千』，問一大輪係咪觀塘順利村又話唔係，結果原來去『石蘺村』！」，也有司機試過聽到乘客講皇岡口岸，原來是要去黃金海岸酒店。