35+LOVE｜保險Marcus犯足約會必死4件事　阿Yu硬食網民心痛：尊重啦

Nov 11 2023

35+LOVE｜趙頌茹參與ViuTV戀愛真人騷《35+LOVE》，其中一集被任職保險的男參賽者Marcus叫「攞手袋」後即時「教仔訓話」。而最近二人又再次發生尷尬畫面，Marcus更被阿Yu當場踢爆秘密，Marcus當場口啞啞又扮傻，睇到一班觀眾不停狂鬧，指他「完全零尊重阿Yu」，極度乞人憎，簡直犯足約會必死4件事！

阿Yu約會再遇Marcus　4大約會必死禁忌全犯足

阿Yu出Camp後，選擇與Marcus今次約會地點定在抱石牆，2人更到餐廳一同進膳。而在餐廳時，阿Yu突然問Marcus「你有2個IG嗎？」，一向被指「扮型」的Marcus當場心虛，邊回答邊「諗嘢」，一切都被表情出賣。他指「我有2個⋯⋯我得1個IG」，阿Yu即指「我睇過你D Post有拍過嘢」，他再解釋「因為我細個有做過Model，嗰間公司有經理人，由佢打理，唔係我管理」，阿Yu因而再追問「但你係同行嚟㗎喎⋯⋯咁因為我上次無問，所以你無講啊？」，Marcus指「我都唔係Full Time，唔駛講啦吓嘛」，令阿Yu感到相當無癮。

Marcus追問「點解你IG唔同我傾偈」　阿Yu回答後再被質問

Marcus因而再順著個勢追問阿Yu，指「點解你IG唔搵我傾偈」，阿Yu即表示「IG用嚟傾偈㗎咩，唔係用嚟分享生活咩，傾偈唔係用WhatsApp㗎咩」，男方即指「咁我無你WhatsApp呀嘛⋯⋯IG會傾多2下，你世代用咩傾偈，MSN？ICQ係咪？」，阿Yu即無奈指「我鍾意傾電話」，但Marcus此時竟說「我下次用IG錄音畀你，畀你感受下新世代嘢」，阿Yu遲疑了一下即指「喔，好啊」。而3位主持再撐Marcus，3人齊指「我接受他解釋，都唔一定要講」。

保險marcus 約會阿Yu聽到Marcus問「你年代用咩傾偈」時即放空 — 阿Yu聽到Marcus問「你年代用咩傾偈」時即放空（圖片來源：ViuTV《35+LOVE》）

Marcus遲到遲足9個字　到場解釋極離譜

其實早在發生餐廳事件前，阿Yu已忍不住大叫，事關她約Marcus 早上9時半到抱石場約會，豈料Marcus竟10時14分都仍未到場，她指「一個人可以遲咁耐㗎咩，呢D咪無誠意」。而Marcus到場後解釋更令人憤怒，指「遲到好多原因嘅，原因係塞車囉，都係嗰D啦，遲到咪遲到，唔使藉口」、「知道阿Yu再找他約會時，他語帶無奈指好Surprise囉」，相當無禮貌。

保險marcus 約會有咩人會遲到遲咁耐 — 有咩人會遲到遲咁耐（圖片來源：ViuTV《35+LOVE》）

保險marcus 約會 Marcus遲足9個字 — Marcus遲足9個字（圖片來源：ViuTV《35+LOVE》）

網民睇見眼火爆：憑咩侮辱阿Yu

3位主持撐Marcus，但一眾網民就鬧到爆，指他犯足約會4大死罪，「遲到、扮傻，隱瞞、無禮貌」，認為「保險X講嘢懶醒又串XX，唔想提以前做Model事，而家點解又要上節目」、「呢D態度搵黑面楊淇對住佢就真係狗咬狗，好想睇」、「無啦啦串阿Yu老，ICQ？MSN？有乜問題呀，憑咩侮辱阿Yu」、「典型保險佬，長期好輕佻」、「有人約你算好啦，仲要係阿Yu咁好脾氣，楊淇X死咗你啦」、「好無禮貌點做Sales，真係好憎人懶型懶醒懶風趣」、「人哋話鍾意傾電話，下句話錄音畀人，知唔知咩叫傾電話呀，無腦」。