港人京都食Omakase埋單發現被多收5位數　斥日本服務開始衰落：米芝蓮都咁！

港人京都嘆Omakase 埋單驚見天價貼士

有網民在Facebook群組「香港 Omakase おまかせ 」中發帖文表示：「日本越嚟越似美國，香港越嚟越似日本，啲舖頭 7-8pm 就收」並曬出一張餐廳收據，當中見到事主一共消費67,650日圓（約3,652港元），不過重點是下列的4行字，原來上述的收費不包含服務費，因為希望客人可以畀貼士，5%到20%自行選擇，消費高達13,200日圓（712港元），引起不少網民討論。

網民：日本服務質素已經比疫情前差咗

不少網民對於日本餐廳收貼士的行為感到震驚，留言表示：「我寧願佢加價，都好過咁樣搲貼士」、「服務質素已經比疫情前差咗，仲要學美國咁屈小費，真係食普通嘢都無咁嬲」、「其實張單都幾明顯係for遊客only！呢啲店真係做衰日本個名」、「張單寫英文就知唔對路」、「我相信本地人去，佢唔敢拎呢張單出嚟。似係針對遊客only」、「日本朋友都話前所未見」、「米芝蓮店都咁？」、「我試過食鐵板打多個零，由幾萬變幾十萬！好彩老婆醒目睇單」、「最近係大阪有食店擺2碟小食，一定要收你錢」。

亦有人表示：「記得以前聽講過…日本文化俾tips 係侮辱佢哋服務唔夠好」，值得一提是，日本沒有小費文化，不過就有「賞錢」的習慣，前者是因對方提供服務而付的錢，後者是向對方表達感謝之意的錢。不過過程都相當講究，首先要使用新鈔並且放在紅包，或用懷紙包起送給對方。