港人回顧煲蠟4大瘋狂行為　嘆無人再玩蠟燭好失望　00後：老餅先會做

港人回顧5年前警訊節目　稱劇情大暴走玩盡「男男之情」

講起煲蠟，以往在香港電台播放的警訊都會令人印象深刻，劇情惹人發笑。有網民重提5年前的其中一集，指劇中男角色「全部都係老餅先嚟玩煲蠟」，期間更以搞鬼對白玩劇情大暴走，一時「呢到得我哋幾個男人，唔通淨係賞月咩」，此時劇中一名男生即雙手護胸，指「我唔會做對唔住Tracy嘅事」，似是想大玩「男男之情」，劇情起初暴走得相當大膽。及後更有一名自稱「煲蠟王」的人，表情狡詐。不過節目尾當然重點提醒大家切勿煲蠟，免生意外。網民慨嘆「以前連呢D片都識講笑，而家真係0呀」、「而家玩男男講笑劇情都畀人抽秤，分分鐘連拎枝蠟燭出嚟都瀨嘢」。

港人回顧中秋節玩蠟燭驚險場面　4大瘋狂煲蠟行為切勿再做！

中秋節玩燈籠，玩蠟燭，食月餅都是例行活動，不過以往常有人玩蠟燭時做出危險動作，胡亂煲蠟。不過就有網民指適逢中秋節，現時幾乎都沒有小朋友在街上玩蠟燭（煲蠟），落街玩的都只是提著電燈籠周圍行，氣氛略有遜息，更指「細個好L期待中秋，無咩錢都儲幾十蚊買蠟燭，果時好似十蚊四盒，前後起碼玩三日，成班朋友圍住一齊玩好開心」，但現時這些畫面已不會再重現，相當可惜，因而發文回顧以往經典場面，但大家千萬切再模仿！

1.噴水爆火球

有網民指自己小時候在舊式屋村「試過見對面樓轉角樓梯，成個火球爆出嚟，無見報應該即係啲𡃁仔好彩無受傷，啲火向外爆」，再補充「真係好大火，好危險，呢個年代唔好再試」。而數到最經典的畫面，不得不提2018年，有青年在山上煲蠟，向月餅罐噴水後即時爆出一個近三米高、如同「蘑菇雲」的火球，相當嚇人。有網民笑言「簡直同奧本海默試發射個畫面一樣」。不過在此再次提醒大家，切勿再做，而且一眾網民都表示「而家都唔會再玩，大個就覺無聊，好彩無意外」。

2.執磚玩蠟燭

「以前一到中秋實準備定幾樣野：剷、月餅盒、gas，一落公園四圍地下搵啲蠟剷起，放滿個盒就執兩嚿磚去煲」，更有人必定會扔火機入月餅盒，令火球升至3樓高，不過網民又再補充指「不過呢個年代已經唔會咁玩，只屬回憶」。

3.用小便𣈴準月餅盒

最多網民憶述的，都是「對準個月餅盒小便」，指「細個唔識嘢，真係同D FD為咗氣氛而做，幾個對住個月餅盒小便，有水就會炸起D蠟，成班FD見個火升上嚟就即刻跑走」。

4.倒啤酒、汽水

網民指，煲蠟主要都是用液體去刺激火勢，曾看到人把啤酒、汽水直接倒向蠟燭，「細個嗰時啲𡃁仔喺𨋢口度煲，爆到上天花板，而家個位啲牆磚同天花都仲黑咗一撻」。

00後嘲「煲蠟老餅先會做」：而家玩另一樣嘢啦

有00後看到網民憶述童年，即留言指「吓，乜而家仲有人煲蠟㗎咩，老餅先會做」，更指「而家玩都玩滴蠟啦，邊個仲會玩火呀，燒親自己點算」。不過滴蠟同樣是危險動作，絕對不建議大家做出此行為！而被00後寸「老餅」的網民，出言反斥「你哋D後生成個媽寶咁，玩蠟燭又話怕火，去公園又話怕比蚊咬，留喺屋企啦」。

康文署、房署均提醒市民切勿煲蠟

而康樂及文化事務署（康文署）呼籲市民，在歡度中秋佳節時保持地方清潔及愛護公物，切勿煲蠟或將燃點的蠟燭插在地面、草地或沙灘上，切勿拋擲熒光棒或其他物品到樹上，或放孔明燈。在康文署轄下場地（包括公園、泳灘及燒烤場）亂拋垃圾可被罰款一千五百元，煲蠟、拋擲物件到樹上或放孔明燈則最高可被判罰款二千元及監禁十四天。而房署亦提醒公屋戶中秋勿煲蠟，違者可被罰款扣分甚至終止租約，後果嚴重！