堅尼地城驚見$1000銀紙包香口膠！街坊唔敢執 網民拆解恐怖真相：掂咗就大鑊

堅尼地城街坊跑步驚見千元大鈔包香口膠

事發在4月18日，一名港女在社交平台Threads發文，指自己在堅尼地城跑步期間，赫然發現地上有一張$1,000港元鈔票。本以為是天降橫財，但她走近一看，卻發現鈔票中間鼓起，原來是被人用來包裹一舊咀嚼過的香口膠，然後隨手丟棄在地上。如此鋪張的「拋棄垃圾」方式，令事主大感震驚，拍照放上網大呻：「港島嘅人係咪真係有錢到咁？」，並表示自己最終「忍痛」將「寶物」放回原處，未有拾起。

網民群起公審嘲諷堅離地有錢人玩意

帖文一出，隨即在各大群組洗版，大批網民湧入留言「食花生」。不少人加入嘲諷行列，笑言「貧窮限制了我的想像」、「紙巾係窮人用」、「成件事係個有錢佬用1,000蚊嚟當清潔費」。更有網民精打細算地分析，指在街上吐香口膠會被罰款$3,000，如今用$1,000鈔票包住，「慳咗2000了」，簡直是「香港人真識慳錢」的極致表現。亦有人將事件與地點掛勾，直指「正常啊，堅尼地城吖嘛。如果唔係點堅離地」。

劇情反轉網民警告勿亂執恐涉邪門儀式

正當大部分人以為只是有錢人的惡趣味時，有心水清的網民卻提出驚人警告，認為事件可能另有內情，直言「呢個咁奇怪，我就點都唔會執囉」，勸喻事主幸好沒有拾起。有網民分析，這可能是「求救訊號」，有人在高處用鈔票和有重量的香口膠掟落街求救；更恐怖的猜測是，這可能與邪門儀式有關，例如是「降頭」、「借運」的道具，甚至是「碰瓷黨」設下的陷阱，一旦拾起便後果堪虞，令整件事件瞬間變得細思極恐！