颱風改名｜香港「點心」殺入國際名單 9個舊名一夜消失原因曝光

9個舊名全部因重大災難被除名換新

颱風委員會第58屆會議早前審議通過，將2024年曾造成嚴重破壞嘅9個熱帶氣旋名字一次過除名，包括「康妮」、「桃芝」、「萬宜」、「天兔」、「摩羯」、「艾雲尼」、「飛燕」、「山陀兒」及「潭美」。取而代之嘅9個新名字分別為柬埔寨提出嘅「高基」（大型硬木）、朝鮮提出嘅「簡古維」（青蛙）、香港提出嘅「點心」（香港著名美食）、日本提出嘅「希比」（巨蛇星座）及「船尾」（船尾星座）、米克羅尼西亞提出嘅「蒂魯」（楚克文化恭敬問候方式）、韓國提出嘅「娜尼」（翅膀）、泰國提出嘅「布拉帕」（東方），以及越南提出嘅「花斑」（豆科開花植物）。颱風委員會屬聯合國亞太經社委員會與世界氣象組織轄下組織，負責管理西北太平洋及南海熱帶氣旋命名。

網民得知港式美食變颱風名即刻瘋傳熱議

消息曝光後，大批網民對「點心」呢個名即刻起哄。翻查資料，香港過去提供嘅颱風名字包括「鴛鴦」、「珊珊」、「玲玲」、「白海豚」、「彩雲」、「獅子山」、「青馬」及「榕樹」，全部都帶有濃厚本地色彩。今次以「點心」命名，將香港飲食文化帶入國際氣象舞台，網民紛紛留言話「以後打風要叫颱風點心」、「蝦餃燒賣會唔會係下一個」，亦有人笑言「點心殺到嚟真係好驚」，討論度極高。

「萬宜」正式退役由「點心」接棒上陣

最終結果塵埃落定，「點心」正式取代因2024年造成重大傷亡而被除名嘅「萬宜」，成為香港喺西北太平洋及南海熱帶氣旋名單中嘅最新代表。呢個充滿港式風味嘅名字，日後一旦被編配使用，届時天氣預報將會出現「熱帶氣旋點心」嘅字眼，令香港美食元素正式成為國際氣象命名系統一部分。