G.E.M.驚爆隱疾！台上苦撐153場巡唱 全靠一物頂住：連自己都佩服！

驚揭患地中海貧血全靠意志力死頂153場

G.E.M.喺直播中突然向粉絲大呻，話自己最近先被媽媽告知原來患有地中海貧血，佢自己都係啱啱先知！佢一臉無奈咁話：「嘩！我地中海貧血，然後我做這個巡演做了153場，我累不是很正常嗎？」字裡行間透露出呢段時間嘅疲憊.G.E.M.笑言全靠「意志力在撐」，先可以頂得住完成過百場高強度嘅演出，更忍唔住講笑話「我挺佩服我自己！」。當被問到會唱到幾時，佢亦坦言有時唔係唔想唱，而係要視乎身體狀況係咪「吃得消」，令歌迷相當心痛。

消息曝光粉絲心痛揭出道即有顎骨萎縮問題

事件曝光後，大批歌迷湧入留言區表示心痛，紛紛叫偶像要保重身體.其實G.E.M.多年來身體一直暗藏唔少問題，除咗今次自爆嘅地中海貧血，佢早喺出道時就透露過自己左邊顎骨萎縮，導致上下顎牙齒無法完全咬合，有時講嘢會「漏風」，亦因此形成咗佢極具辨識度嘅獨特唱腔.事業上，佢亦唔係一帆風順，早年同前經理人張丹嘅恩怨亦係人所共知，可謂事業同健康都歷盡高低。

演唱會手撕舊照象徵與黑歷史徹底決裂

喺今次台北演唱會上，G.E.M.更罕有地重提前塵往事，憶述當年參加內地節目《中國新說唱》時，遭到前公司施壓要求退出，雙方關係勢成火水.不過佢亦心懷感恩，多謝前公司最後喺佢堅持下放行.為咗同過去嘅恩怨做個了斷，G.E.M.喺演唱會尾聲，更上演一幕手撕與前經理人張丹及製作人Lupo Groinig合照嘅畫面，極具象徵意義，似乎決心要同過去嘅黑歷史告別，重新出發。