茶餐廳$15叉燒湯河震撼全城 網民一句話揭低價背後殘酷真相

茶餐廳白板寫出$15叉燒湯河震撼街坊

有網民於5月11日在facebook群組「香港茶餐廳及美食關注組」上載一張相片，顯示某茶餐廳在門外白板寫上每日特價早餐，供應時段由朝早6時半至11點正. 當日早餐款式為叉燒湯河，售價僅$15，想加凍飲或熱飲則另加$5。樓主形容呢個現象係「茶餐廳內捲」，直指老闆目的係「頂死樓下幾間」，擺明以割喉式定價搶走附近食肆客源，「我無得賺你都唔會有客」。相中可見店內僅得寥寥數名食客，令人質疑如此低價到底能否回本。

網民群起公審有人撐薄利多銷有人鬧爆鬥平無用

事件曝光後，大批網民替行業前景擔憂，留言區即時洗版。支持者認為老闆審時度勢，「薄利多銷！轉枱夠快就有賺！」、「老世醒目，適者生存」、「做就蝕5毫，唔做蝕1蚊」，又有人讚老闆識玩，「俾人感覺共渡難關」。但反對聲音同樣強烈，有網民直斥「今日15，明天14，再明天13，內卷是吧」，職位不斷鬥平只會拖垮整個行業，更有人毫不留情指出「鬥平無用㗎，你啲嘢好食搵鬼幫襯」，強調食物質素先係留客關鍵。

網民一句話道破低價策略致命弱點

爭論持續發酵，有眼利網民翻睇相片後提出質疑，「點頂？圖內計埋你得3人」，暗示即使定價夠平亦未見大排長龍。更有熟客級網民直接拆穿：「去茶餐廳食早餐叫叉燒就最on嘅，一定係隔夜叉燒」，令人對食物質素打上問號。歸根究底，$15一碗湯河或者能幫老闆守住營運成本捱過寒冬，但若賣相同味道跟唔上，單靠「窮人恩物」嘅標籤，恐怕只係飲鴆止渴。