請喪假被拒！00後打工仔出「1招」反擊嚇窒全公司 主管即日下場曝光

親人離世請喪假被拒00後出絕招披麻戴孝返工

事主喺社交平台Threads發文大呻，指公司一位00後同事因親人離世，按規矩向主管申請喪假，但竟然不獲批准。面對如此不近人情嘅決定，該名00後同事並無選擇忍氣吞聲，反而用行動作出最強反擊！第二日，佢竟然直接「披麻戴孝」返到辦公室，一身喪服即時震驚整個部門，氣氛尷尬到極點。公司高層得知事件後，火速喺當日下午就將該名不近人情嘅主管調走！事主更補充另一單威水史，指有另一位00後朋友返工期間身體唔舒服請假被拒，竟然即場打電話叫救護車將自己送走，嚇到個腦細當場呆咗！

網民力撐整頓職場文化大讚夠薑鬧爆無良僱主

事件曝光後，大批網民湧入留言區替事主不值，並激讚00後夠薑，成功整頓「有毒」嘅職場文化！留言區被網民洗版，紛紛鬧爆：「讚爆00後整頓職場，那些倚老賣老的主管最需要被電」、「你不合作，我就發瘋」、「無良的公司真的超乎你想像的多」。更有唔少過來人分享慘痛經歷：「公司唔准接私人電話，令我錯過見嫲嫲最後一面」、「收到媽媽病危通知，主管話做完活動先可以走」、「前同事請完喪假返工，主管竟然問佢：『你前排係咪放假放得好爽』」，可見無良僱主確實無處不在。

90後表示已無力反抗感激00後出手拯救職場

面對00後嘅霸氣反擊，唔少身為「前輩」嘅網民都表示大快人心，更有人坦言感激新世代嘅出現。有自稱90後嘅網民表示，自己已經晉升到中階管理層，身份尷尬，「不便發瘋」，所以非常多謝00後幫手整頓職場歪風：「本老人十分支持00整頓職場！」處理這代的職場必須靠00後來拯救了」、「以前的人總覺得忍一下就過了，現在的人比較像是在說：『為什麼我要把自己耗在這裏？』」，睇嚟職場新文化嘅衝擊，將會為打工仔帶嚟新景象！