移英4年13歲女兒性情大變視父母如仇人 港人家長崩潰：點做都錯
9歲隨父母離港4年後性情大變拒絕返學
樓主今日（5日）於社交平台Threads連發兩帖，交代一家三口4年前從香港移居英國，女兒當時年僅9歲。踏入13歲青春期後，女兒突然表示不想上學，起初聲稱是朋友問題，後來又改口稱「冇motivation」、「唔開心所以唔返學」。情況急轉直下，女兒長期每週僅返學兩三日下晝美術課或興趣班，作息混亂至凌晨兩三點先入睡，日間根本起唔到身. 放學後最大樂趣只剩打機同睇短片，每晚匿埋房中與同學通話打機，日復一日不斷重複。樓主軟硬兼施嘗試管教，但女兒已將父母當成仇人般對待，基本拒絕溝通，講兩句即情緒激動，更反過來指控父母令佢唔開心、唔想返學，叫父母「自己諗下點解」。現時女兒只有需要開WiFi、用電腦或出街攞錢時先會主動搵父母，學校方面亦幫助有限。
事件曝光後大批網民替事主不值同時提出質疑
帖文曝光後，不少有相似經歷的移英港人紛紛留言送暖，有人建議尋求專業協助，亦有人分析青春期荷爾蒙變化加上環境轉變是主因。有網民詳細拆解，指「小朋友有情緒問題首先要搵出原因」，認為家庭關係、語言行為及長期情緒積壓都是關鍵因素. 然而在溫暖打氣聲中，亦有網民一針見血提出最心酸質疑：「又話移民係為咗小朋友？」這句話瞬間觸動神經，有人直指「其實小朋友對移唔移民都冇得揀」，認為移民本身對細路而言已是巨大挑戰，要脫離原有社交圈重新適應，壓力絕非成年人能想像。
管教方式惹爭議樓主坦言唯有見步行步
除了移民決定本身受到質疑外，樓主管教方式亦成為網民討論焦點。有人認為13歲使用電腦上網仍要經父母批准屬管得太嚴，直言「不如放過你個女，佢大個啦仲要咁被限制」，指女兒只是開始逃離父母掌控、爭取自由。不過亦有網民好言安慰，認為「其實唔移民，青春期都會有情緒問題」，加上獨女身份及環境轉變，相信只是成長過渡期，小朋友適應力強終會走過. 面對各方意見，樓主最終無奈表示「嚟緊都唔知點，唯有見步行步」，並開始在平台記錄這段艱難歷程，形容前路「似乎係一條漫長又崎嶇嘅路」。
