柴灣男橫向揮傘左穿右插疑故意撥向途人　網民翻出另一宗更離譜

黑衣男商場天橋橫向揮傘全程無視途人

事件由Threads用戶「rainchingbow」率先曝光，她上傳多段影片記錄整個過程。片中可見，該名穿黑色上衣、戴口罩的男子右手握着一把長雨傘，並非以傘尖朝下的正常方式持傘，反而橫向握住並大幅度前後擺動。男子先在柴灣與華廣場內穿梭，其後步出行人天橋仍維持同一姿勢。目擊者尾隨期間更發現，男子疑似刻意轉手，將雨傘移向較多途人經過的一側，形容「現場睇佢仲要係出力撥，唔係純放軟」，認為對方行為極度危險。目擊者坦言男子目露兇光，「我都唔敢惹佢」，只能在網上貼出畫面，期望其親友能加以勸導。

網民群起鬧爆斥行為自私當條路係自己

事件曝光後，大批網民替途人不值，紛紛湧入留言區圍轟該名男子。有人直斥「擺到明係專登，有病」、「正常人都唔會咁做」，亦有網民怒轟「好似條路係佢嘅咁，專登咁樣唔畀你行」，更有人嘲諷「佢以為自己行得好型，其實係X頭皮」。除了持傘方式惹人反感外，連男子的步姿都被網民點名批評，形容「好乞人憎嗰種」，戲稱「又要鐵拳教育」。不少留言質疑男子精神狀態，「呢個人一定心理不平衡」、「佢係咪以為自己係劍客」、「佢當自己係武林高手，以為自己拎住把倚天劍」。

鑽石山光頭男室內撐傘同遭公審網民籲保持距離

除了柴灣黑衣男外，近日鑽石山啟鑽商場亦出現類似爭議事件。一名穿黑衣、墨綠色短褲的光頭男子走進商場後未有收起雨傘，大模廝樣撐傘行走於室內範圍，被港男拍照放上網公審，斥「穿過個商場收遮有幾難，難為你身邊啲人俾你整濕晒」，網民嘲笑「真正無髮無天」。兩宗事件接連曝光，令網民感嘆持傘禮儀每況愈下。不過亦有較理性的留言提醒大眾，遇到行為怪異人士應以自保為先，「睇對眼都知佢戾氣重」、「見到呢啲人保持距離」，避免正面衝突招惹不必要的危險。