大埔5男垃圾站「圍毆」Chiikawa！影片曝光稱「想毆好耐」粉絲睇到勁心痛

至少5名港男垃圾站旁圍踢兔哥公仔

事發地點為大埔山南路一個垃圾站對出的馬路，從該名自稱音樂製作人的港男上傳至Threads的影片可見，在深夜時份，連同拍片者在內至少有5名男生，竟然將Chiikawa人氣角色Usagi（烏薩奇／兔哥）的公仔當作足球，在馬路上瘋狂互踢「傳波」。影片更配上「想毆呢隻嘢好耐了」的標題，輕佻態度徹底激怒一眾粉絲。

粉絲睇到心碎怒斥等同虐待動物

事件曝光後，大批網民替兔哥公仔不值，紛紛在討論區洗版鬧爆！大批粉絲怒斥：「有無諗過隻公仔感受」、「睇到好sad」、「公仔對我嚟講就好似有感情嘅動物咁，睇完呢條片真係好唔舒服」，直指將心愛的公仔當街蹂躪，與虐待動物的行為無甚分別，完全無法接受。有粉絲更表示心痛到難以觀看整段影片，認為即使不喜歡也不應如此糟蹋。

網民反駁反應過激地點才是關鍵

不過，事件亦引來另一派網民反駁，認為粉絲反應過激。有留言指出：「其實有咩問題，玩下公仔就俾人話似會虐待動物嘅人？」、「如果佢踢嘅唔係chiikawa，係一個普通嘅汽水罐，仲會唔會有咁多人話佢哋？」，認為將踢公仔的行為上綱上線到虐待動物是小題大做。但亦有中立網民點出盲點，認為整件事的重點並非公仔，而是地點：「玩還玩，唔好喺馬路到玩」，批評他們在馬路上嬉戲罔顧交通安全，隨時釀成意外。