黃金周奇景！中環男女馬路逆行玩命 巴士客直擊驚險畫面 網民嘲：下一站行東隧？

中環紅棉路驚心動魄一幕 巴士乘客直擊男女玩命逆行

事發在5月1日，有網民在社交平台Threads上載影片，指自己乘搭巴士途經中環紅棉路、近美利酒店對開時，目擊到極度危險的一幕。從巴士上層拍攝的影片可見，一對中年男女完全無視行人路，竟直接走在馬路邊緣，向山頂纜車方向逆行！當時路面交通繁忙，私家車與貨車不斷從旁高速駛過，部分車輛幾乎是「貼身」擦過，有司機見狀更要立即「收油」減速閃避，情況極之牙煙. 拍片的網民亦睇到心驚膽顫，忍不住怒呻：「佢哋行嗰陣唔覺得有問題㗎咩？」更揶揄兩人是否打算下一站「步行東區走廊」，行徑令人匪輿所思。

影片瘋傳群組洗版 網民鬧爆：唔好累死司機！

影片被轉載至各大社交平台後，隨即被網民瘋狂洗版！大批網民鬧爆該對男女的行為是開啟了「大地任我行」模式，完全罔顧自身及其他道路使用者的安全，「唔好累司機啦」、「司機驚過佢哋」、「佢哋唔驚真係有車剷過去」。有網民更諷刺兩人是「真正自由行」，連交通規則都可以一併「自由」發揮. 亦有不少網民加入「食花生」行列，抵死留言調侃：「響應勞動節」、「山不轉，路轉；路不轉，人轉」，更有人笑言「下一個畫面會唔會見到佢哋行紅隧」、「遲啲海底隧道打卡，真正深度遊」，極盡嘲諷。

同類亂象屢見不鮮 曾有旅客獲鐵騎護航惹議

事實上，類似的馬路亂象已非首次發生，再度引發公眾對旅客秩序及道路安全的關注。有網民翻出舊聞，指早前亦有內地女旅客在中環花園道一帶的行車天橋上行走，當時有交通警員發現後，更出動電單車為其「護航」，引導她離開危險路段。今次再有旅客做出玩命行為，令不少市民擔心此等歪風會否變本加厲，隨時釀成嚴重交通意外，後果不堪設想。