婆婆商場扶手梯倒下！港男目擊心寒一幕：成堆人圍觀拍片無人救

殯儀師直擊心寒過程！怒轟途人由得阿婆瞓喺度

事發於本周三（15日）早上，一位從事殯儀業的港男在商場用膳時，突然聽到扶手電梯方向傳來呼叫聲。他驚見一位婆婆在電梯上跌倒，但最令他震驚的是，現場竟無人幫忙，亦無人按下緊急停止按鈕！他怒訴當時情況：「由得個阿婆打斜瞓住喺個電梯仲一路上緊去」，眼見婆婆年紀老邁，「跌一跌好大鑊」，但旁人卻視若無睹，有人甚至只顧拍片，連保安亦被指未有妥善控制人流及召喚救護車。目擊者直言，這一幕令他感覺「『香港』呢個地方愈嚟愈陌生」。

事件曝光群組洗版！網民鬧爆圍觀者無人性無同理心

該名港男事後將經歷分享至社交平台Threads，帖文瞬間被瘋傳，引來大批網民留言洗版！不少網民替婆婆感到不值，並怒轟在場圍觀者的冷血行為：「拍片嗰啲人係咩心態？真係好恐怖」、「點解可以冇人㩒停部𨋢？基本常識都冇」、「香港人真係愈嚟愈冷漠，好可悲」。亦有網民分享類似經歷，指自己或家人曾在街上遇事，同樣無人願意上前幫忙，慨嘆社會的同理心正在消失。

網民嘆自保心態作祟！揭唔敢出手2大苦衷怕中伏

不過，討論中亦有另一派聲音，認為港人變得冷漠並非無因。有網民就分析指出，現今社會之所以人人自危，主要有2大原因。第一是擔心遇上「碰瓷黨」，怕好心扶人反被誣告，惹禍上身，「搞到香港人個個有戒心，唔係唔想幫，係唔敢幫」。第二則是現代人過於專注電子產品，「個個活喺手機世界上面、戴降噪耳機」，導致警覺性下降，未能第一時間察覺及理解周遭發生的意外。這番言論亦引起不少人共鳴，感嘆在求助與自保之間，實在難以抉擇。