外賣員執繩綁薄餅掛門把　餐廳無提供膠袋網民鬧爆

餐廳無提供膠袋外賣員被迫執繩完成任務

該名外賣員在facebook群組「KeeTa外賣關注組」發文大呻，指顧客點了薄餅外賣並要求掛在門把上，但餐廳竟然沒有提供足夠大的膠袋來裝薄餅。更令人無奈的是，顧客「唔肯應門開門，又唔肯聽電話」，令外賣員進退兩難。他慶幸在商場內撿到一條麻繩，才能將薄餅成功綁在鐵閘門把上，「如果我執唔到呢條繩，就可能要擺地下了，但今日落雨門口成地水，點擺地下」。從照片可見，外賣員用麻繩將薄餅盒牢牢綁好，成功完成這個「不可能的任務」。

網民群起公審餐廳做法引發兩極化討論

事件曝光後，大批網民替外賣員不值，紛紛在群組內留言支持。有網民笑言「個客一定以為（條繩）係餐廳提供，點知係垃圾桶執出嚟」、「真係服咗你，做勞作咩」。不過亦有網民認為外賣員過分遷就，直言「掛到上去就掛，掛唔到就擺地下，話知佢門口有冇水啦」。有人批評不接電話不應門的顧客是「西客」，指出「袋餐好重或袋好薄和紙袋，掛不到會穿！又不可以放地下，叫人點做？」

兩派網民激辯顧客要求是否合理引發同理心大討論

不過亦有網民為顧客辯護，解釋不開門的原因可能有很多，「唔開門又唔聽電話唔一定係西客，人哋work from home，有時開緊會議，唔一定應到你門鈴電話」。有人更指出「叫放門口一定有原因，可能屋企有BB或者寵物，唔通抱緊BB瞓，仲要放低BB任佢喊，就為咗抽隻手聽你電話？」呼籲大家互相體諒. 該外賣員亦分享了多張訂單截圖，顯示不少顧客都會要求「只將食物放門口或掛在門把上，不要按門鈴」，反映這類要求在外賣行業中相當普遍。