北角食店$50咖哩牛腩出事！事主打開嚇親致電投訴職員一句神回覆KO！

港女$50外賣中伏 咖喱牛腩稀過水似湯渣

事主在Facebook群組「北角有樂」大呻，指自己光顧北角某粉麵店，斥資$50買咖哩牛腩外賣，但「返到屋企打開嚇親！」。從她上載的相片可見，外賣盒內的咖喱汁極度稀薄，完全沒有應有的濃稠感，事主怒斥「咖哩？真咩？咖哩溝水嚟㗎喎」。更慘的是，主角牛腩份量不多，肉質看似又乾又柴，部分更已鬆散，事主無奈嘲諷「啲腩柴過我媽煲湯啲湯渣」。眼見$50換來如此質素，事主決定致電店家反映，沒想到接下來的發展更令她傻眼。

致電投訴反被KO 職員晦氣認證：係唔好食㗎

事件曝光後，大批網民替事主不值，紛紛鬧爆店家離譜。事主憶述，當時致電該粉麵店，接聽的阿姐聽完投訴後，竟理直氣壯地晦氣回應：「係呀，我哋啲咖喱牛腩係咁」，更拋下一句震撼的「係唔好食㗎！唔同出邊啲咖喱」，然後便直接掛斷電話！這番「神回覆」令網民群組洗版，狠批「價錢又唔係平，員工仲要理直氣壯話唔好食」、「生意太好，想做少啲？」、「簡直侮辱緊咖哩」。不少人更嘲諷該外賣是「咖哩湯腩」、「咖哩水加湯渣」，完全不值$50。

熟客大呻愈做愈差 永不再光顧該食店

最令人關注的是，帖文引來不少自稱熟客的網民留言，似乎今次事件並非單一失誤。有網民表示該店「出咗名就愈做愈差，已經無去幫襯好耐」，亦有人證實「我試過一次，咖哩水，好難食」，直指食店質素每況愈下。不少留言都表示對該店極度失望，更有人斬釘截鐵地稱之為「永不再光顧嘅一間餐廳」，看來這次的「咖喱水」事件，已嚴重打擊食店在街坊心目中的聲譽。