中電派錢$3,700！4.27開搶6,000個名額換冷氣！只要符合1個條件即拎！
廣告
天氣愈來愈熱，冷氣、雪櫃是時候要換新！想換機但又怕肉赤？機會嚟喇！中電豪擲$3,000萬，推出「節能家電更換計劃」第二輪，資助合資格家庭換冷氣、雪櫃等慳電家電，最高可以拎到$3,700！全港只有6,000個名額，將於4月27日早上9時正準時開搶，想知自己有冇份？即刻睇內文懶人包，mark實日子準備搶錢！
中電豪派$3000萬！3類人合資格最高拎$3700換4大家電
今次中電的「節能家電更換計劃」第二階段，資助範圍由冷氣機擴大至雪櫃、洗衣機及電熱水爐，只要更換指定一級能源標籤型號，資助額高達訂單總額70%，上限為$3,700！不過優惠並非人人有份，計劃主要針對3大類弱勢社群，只要你或家人正在領取以下任何一項津貼，就符合申請資格：
- 長者類別： 年滿65歲，正領取綜援或長者生活津貼。
- 低收入家庭類別： 正領取在職家庭津貼、綜援、全額書簿津貼，或幼稚園學費減免全免。
- 殘疾人士類別： 持有殘疾人士登記證、領取綜援交通補助金或傷殘津貼。
4月27日早上9時準時開搶！一文睇清申請方法+4大準備事項
計劃將於4月27日早上9時起至5月3日接受登記，名額6,000個先到先得，手快有手慢無！大家可以選擇網上申請或親身到中電客戶服務中心遞交表格. 想一擊即中，申請前記得準備好以下4大文件，因為資料有錯將不獲補交機會！
- 中電編賬號碼： 供電地址必須與送貨地址一樣。
- 「度度賞」賬戶電郵： 申請結果只會以電郵通知。
- 資格證明文件： 網上申請需電子檔案，親身遞交則需副本。
- 心儀家電類型： 申請時需決定購買的家電種類，每人最多可買2種、每種各一。
申請前必睇！成功拎Code後點用+常見問題FAQ一覽
中電將於5月12日至15日期間，透過電郵通知申請結果. 成功申請者會收到一個「專屬優惠碼」，可以選擇到指定門市或在網上平台購買心儀家電。在付款時，只需向職員出示或輸入該優惠碼，即可扣減資助金額，支付餘額即可。提提大家，如果第一階段申請失敗，今次可以再接再厲；但如果第一階段已成功申請，不論最終有否購買，都不能重複申請。想知更多詳情，記得上中電官網查詢！
