日本汽水機驚天秘密！投幣前必做「1個動作」免中伏 售罄燈原來呃人？

日本汽水機呃人？明明有貨但撳售罄燈原來有苦衷

唔少遊客都試過，想買某款飲品卻見到「売切」（售罄）紅燈，只好失望而回。但有日本自動販賣機專家踢爆，其實呢個可能係一個「善意的謊言」！原來，機器內部通常會強制保留最後1至2罐飲品唔賣。原因係每次補貨時，新加入嘅都係常溫飲品，至少需要2至3小時先可以達到標準嘅冰凍或溫熱溫度。為咗確保你買第一罐就係完美溫度，機器寧願顯示「售罄」，都唔會將未達標嘅飲品賣畀你，呢份執著真係令人佩服！

連當地人都未必知！投幣前撳一掣即睇溫度免中伏

事件曝光後，大批網民都話長知識，更有人分享一個連日本人都未必識嘅終極秘技！想知支嘢飲到底有幾凍？方法好簡單，就係喺你入錢之前，先大大力撳一下「找零/退款（おつり／返却）」掣，然後再揀你想買嗰款飲品，價錢螢幕就會神奇地顯示出嗰款飲品嘅「實時溫度」！如果機身冇°C符號，顯示嘅數字就係溫度。不過提提大家，呢招唔係部部機都得，通常新式嘅數碼螢幕販賣機成功率最高，下次去日本不妨試下！

網民恍然大悟！大數據預測天氣決定賣粟米湯定寶礦力

除咗溫度秘技，原來每部汽水機賣咩飲品都唔係亂咁擺！有外媒報道，JR東日本等公司早已引入AI大數據分析，部機會自動連接日本氣象廳數據。如果預測到聽日會升溫，系統就會建議減少入貨粟米湯，改為增加寶礦力等運動飲品。喺辦公室區域，咖啡選擇會較多；喺車站月台，就會以補充水分嘅礦泉水為主. 每部機都係為咗嗰個位置、嗰個天氣而度身訂造，網民知道後都恍然大悟，大讚：「真係估你唔到，一部汽水機都咁高科技！」