旺角九巴上層少女遭背心男伸「鹹豬手」｜正義哥一句喝止全程被拍

中午繁忙時段巴士上層少女遭背心男伸手觸碰

事發於今日（5日）中午12時10分，地點為旺角道近西洋菜南街交界，涉事巴士為九巴16號路線。從網上瘋傳影片可見，一名穿背心中年男子坐在巴士上層左邊中間座位，將左手貼住車窗伸到前座一名紮馬尾少女身體位置。少女當時正低頭睇手機，其間疑似感覺到異樣，身體稍作移動嘗試避開，但並未有即時離開座位。拍攝影片的正義男子見狀，隨即大聲喝止：「喂！唔好抽水！」未幾巴士已經開行，影片到此結束。

網民群起鬧爆變態男要求事主即刻報案

事件曝光後，大批網民替事主不值，紛紛怒斥背心男行為變態。留言區湧現大量憤怒聲音，有人直指片主應該即刻報案，「攔住架巴士，報案」、「報咗案未？應該上車同車長講話報案」。亦有網民留意到少女表情驚恐，「個女仔驚到唔知點咁，睇到佢表情」，建議她盡快報案或備案處理。不少人批評背心男光天化日之下膽敢伸「鹹豬手」，行為令人髮指。

熱心市民透過九巴App舉報盼盡快緝兇

事件持續發酵之際，已有熱心市民透過九巴手機應用程式舉報事件，期望當局能盡快追查涉事男子身份。網民普遍認為，巴士車廂設有閉路電視，加上影片清晰拍攝到涉事男子容貌，相信警方要鎖定疑犯並非難事。事件再次引起公眾對公共交通工具上性騷擾問題的關注，不少人呼籲遇到類似情況時應勇敢發聲及即時報警求助。