龍運巴士普通話女乘客打橫瞓霸位　阻人落車被公審揭對面男更離譜

普通話女乘客下層後排打橫瞓霸兩位

事主搭乘龍運A43P巴士時，目擊一名操流利普通話女乘客坐在下層後排靠窗雙人座位，但對方並非正常坐法，而是整個人打橫將雙腳晾放到旁邊座位上，其中一隻腳更加直接伸出走廊通道，鞋底正正對住事主方向。事主形容「對腳真係好近」，期間更有一名女士需要落車，但因通道被阻擋，要開聲叫該女乘客讓開先至行得過. 事主當時只搭一個站便落車，所以未有即場出聲指責，但事後將照片上傳至Facebook群組「香港西客精神狀況關注組」公審，揶揄對方完全欠缺自制能力，行為如同動物一般。

網民鬧爆無家教嘲諷當正自己屋企

事件曝光後，大批網民替事主不值，紛紛鬧爆涉事女乘客行為極度自私。有人怒斥「當正自己屋企咁」，亦有網民出招教路「你大聲講，好大聲講，好大陣臭腳味，條自私嘢就會醒」，認為應該即場用言語施壓令對方收斂。更有網民慨嘆「以前真係未見過咁多奇人」，直指係教育同文化問題所致，批評對方完全無公德心，霸佔公共空間毫無羞恥感。

網民揭對面男乘客同款鞋同樣霸位疑似一對

除咗女乘客被鬧爆之外，有眼利網民留意到坐在對面的一名男乘客，竟然穿著同一款鞋，而且同樣一人霸佔兩個座位向。網民即時起哄質疑兩人係情侶關係，留言嘲諷「對鞋一模一樣，係咪一對嚟㗎？」、「坐對面似識得」、「天生一對」，認為兩人聯手霸位更加離譜，令整件事件火上加油，群組持續洗版。