將軍澳快遞紙箱淋爛跌出「兩條嘢」 網民看清真身鬧爆

霉爛紙箱街頭爆開兩條肥美生番薯攤喺地上

事主Kwan Kwan於6日在Facebook群組「將軍澳主場」上載相片，無奈留言提醒收件人「盡快拎取」。相片所見，將軍澳屋苑路旁一個快遞紙箱已被大雨浸至發霉腐爛，紙皮完全散開，兩條看起來相當肥美、沾滿泥土的新鮮生番薯直接跌落出嚟，暴露於濕漉漉的街頭地面上. 包裹明顯已擱置多時無人認領，番薯就咁喺爛紙皮堆中「重見天日」，場面令人哭笑不得。

網民鬧爆幾蚊番薯都要網購質疑食安風險極高

事件曝光後，大批網民替事主不值之餘更加集體鬧爆，對有人連生番薯都要大費周章網購感到匪夷所思。有人狂嘲「黐線，咁都要拼」、「買幾蚊番薯，攞幾千睇醫生」服務，亦有人質疑「香港買番薯好貴咩？有無折墮成咁」。不少網民更擔心食安問題，指出新鮮食材經長途運送容易變質，來源不明隨時帶有蟲卵，直言「裏面好多蟲蛋，放的地方污糟邋遢」，又憂慮連番薯都網購會影響本地街市生意。有人發揮幽默本色笑言番薯淋完雨隨時「就地發芽」，更搞笑稱「淘完唔拎，等佢發芽食番薯葉」。

網民爆料生雞蛋蒸餾水榴槤統統有人照樣網購

事件越鬧越大，有網民進一步爆料指番薯只係冰山一角，原來身邊還有人會網購生雞蛋、蘋果、蒸餾水，甚至連榴槤都照樣從內地買落嚟，令人嘖嘖稱奇。帖文中發帖者呼籲收件人盡快領取包裹，但截至目前為止，該兩條命途多舛的番薯是否已被主人接走，仍然是一個謎。