港女拍低男友睇天氣一幕 網民瘋傳封「防雨神器」從此唔使驚落雨

女友視角拍低男友用手機睇雨雲走向

事緣有樓主早前在社交平台Threads發帖上載短片發帖，留言大呻：「我第一次見人咁樣睇天氣」。片中以女朋友視角拍攝男友正專注地用手機查看香港天文台「雷達圖」，畫面實時顯示香港及周邊地區雨雲移動方向。雷達圖以不同顏色標示降雨強度，只要觀察彩色雨區走勢，便能輕鬆預估未來短時間內會否落雨，從而環境決定出門使唔使帶遮。短片一出即引來大量網民留言回應，紛紛表示自己原來一直都係「雷達圖忠粉」。

網民群起封為天文台最強功能出門必睇

事件曝光後，大批網民紛紛現身自爆使用心得，留言區即時洗版。有人直言「必睇雷達圖，精準知道會唔會落雨」、「我手機天氣捷徑就係放呢個雷達圖」，亦有網民表示「好常用，大概用iPhone 3GS開始就睇呢個，可以預計到帶唔帶遮好」、「呢個好有用，我每日出門前都望一望，好少中招」，更有人激讚「睇雷達是必須，天文台最好功能，一定睇爆」。眾多留言一面倒稱讚雷達圖為最實用天氣工具，令未曾使用過此功能的網民大感相逢恨晚。

進階玩家附圖教路仲有隱藏數據可以參考

除了基本雷達圖外，更有「進階玩家」附圖分享升級用法，表示自己平時仲會睇埋其他天文台數據，包括「最低溫度概率預報」及「平均海平面氣壓概率預報」等。另有熱心網民特地製圖教大家分辨雨區顏色強弱，提醒睇雷達圖時需要配合地圖座標定位，了解自己身處位置同雨區距離，先可以做到隨時避雨。經過一眾網民集體教路，天文台雷達圖被公稱為最實用防雨功能，幫助市民輕鬆預估雨況，再唔使驚出門變落湯雞。