港人盤點HK Express搭後感 超多奇人奇事？網民熱議最難頂係呢樣！

連登仔出帖求HK Express搭後感 網友熱議最難頂係啲X客、多奇人奇事？

近年廉航急速崛起，當中HK Express是香港唯一一家低成本航空公司，早年更不時推出1蚊機票，甚至大搞免費機票活動，成功引起港人關注。最近，在連登討論區有網民以「講下你坐完HK Express嘅感受」為題，向網友查詢乘搭後的體驗。

樓主稱自己未坐過HK Express，但對於有人「形容為難民船」，感到好奇。而帖文亦引起網友熱烈討論。

網民讚「好坐過國泰」？

有坐過HK Express的網友認為體驗正常沒太大特別，只是機上沒有娛樂設施及行李寄艙、餐飲要另外收費，有人稱「一分錢一分貨坐短途4個鐘以內都ok」、「啲空姐nice嘅、啲櫈同坐而家啲巴士一樣咁迫，起身就嚟企唔穩」，稱「疫情前唔差起碼未試過delay」，甚至有人讚「好坐過國泰」。亦有人形容航班真實情況「無人點飛機餐， 一上機就瞓覺，部機未埋站個個企哂係走廊，無加行李費，攞哂1袋2袋上機」、「啲人係咁塞行李上行李櫃搞到後面啲人要等佢地坐低先有得行」，雖然有人讚HK Express航班準時，但亦有網友曾「兩程都delay，其中一次仲要去到機場先話cancel」。

有唔少網友都是因機票價錢平而揀選HK Express，不過有網友稱「坐過一次，無咩特別差，一分錢一分貨，岩哂時間唔值錢的人。唔再坐係因為佢d平飛時間特別差，唔西就貴，貴不如坐其他」，另外有網友吐糟坐位窄，對腳長的人來說空間不足，稱「腳又伸唔長坐又唔舒服…十足十去左澳牛就差唔多」，更有人稱「遲dd擺行李都冇位」。

特別多奇怪客？

雖然整體而言，網友都認無以價錢來說服務體驗都是合理水平，但有唔少人提到HK Express特別多奇怪客，稱「其實最難頂係啲X客」、「其實冇乜特別，通常奇怪客特別多，好多坐飛機奇人奇事 咁岩都係快運發生，以前貪佢0/68/88蚊機票，宜家咁貴都唔會揀佢」，有網友更連環遭到騷擾，稱「一係挨後張櫈，一係中尿毒咁不停去廁所要讓位十幾次，一係就唔知仲乜咁X多嘢要係頭頂個置物櫃拎落嚟用，開合開合度門幾十次煩過X，一係就喺你隔離位不停講嘢，戴耳機都頂唔順」，有人更留言「想感受香港人有幾垃圾可以坐hk express 感受下」，不過有人認為正常廉航都有機會出現以上情況，大家又有甚麼看法？