法國五月美食市集登陸灣仔合和酒店‧商場 FOOD PARC！

May 29 2026

平時返工咁忙碌，相信唔少香港人都好渴望喺繁忙嘅生活中，可以享受一刻法式優雅，品嚐正宗法國美食帶嚟嘅精緻體驗！想感受法國嘅慢活節奏同浪漫風情，其實唔使搭飛機去巴黎嘅。今年百佳超級市場首次同 Business France 合辦，將正宗法式滋味帶到大家身邊！為顧客引入過百個法國品牌、接近一千款優質產品，例如 Monoprix、Cheese Club、Whispering Angel 等，致力搜羅世界各地優質食材，帶嚟更豐富多元嘅選擇。由即日至31日，「法國五月美食市集」強勢登陸灣仔合和酒店‧商場 FOOD PARC！現場齊集多款法國優質食材、美酒同甜品，絕對係高級美食控唔可以錯過嘅盛事，即刻睇吓有咩必食必買攻略啦！

FOOD PARC法國五月美食市集（圖片來源：FOOD PARC） — （圖片來源：FOOD PARC）

激推九大法國品牌盡享巴黎經典滋味

市集嚴選咗9大法國品牌，陣容非常強大！首先一定要提首度登場嘅法國國民品牌Monoprix，為香港顧客帶嚟真正高端嘅巴黎經典精緻零食同醬料，百佳旗下超級市場獨家發售！甜品控就必搶Légume Pâtisserie由米芝蓮三星大廚主理嘅可麗露同檸檬撻，口感層次豐富。

鍾意食芝士嘅朋友，性價比極高嘅Cheese Club絕對係首選，正宗阿爾卑斯山芝士比市價平高達半價！想喺屋企嘆大餐，Club France有齊正宗頂級鵝肝同油封鴨腿；仲有Olivier Pacific嘅法國黃春雞，肉質多汁細嫩。飲品方面，有全球銷量第一嘅法國啤酒品牌1664，以及Whispering Angel Rosé粉紅酒。另外仲有terre d’Oc有機花果茶、Häagen-Dazs雪糕，甚至係NAJEL天然護膚品，真係應有盡有！

全方位體驗法式生活必玩免費打卡位

今次市集唔單止係一場味覺盛宴，仲係一個全方位體驗法式生活嘅好機會！現場氣氛非常熱鬧，除咗有法國廚師即場示範烹調美食，仲有多個攤位俾大家慢慢試食同揀貨。無論係想搵頂級食材返屋企大顯身手，定係想買啲精緻零食同朋友分享，呢度都可以滿足到你。食飽買夠之後，任何消費憑單都可以去法式主題Photo Booth打卡！大家可以隨意挑選鍾意嘅相框，同閨蜜或者屋企人影返輯靚相，仲可以即場拎走貼紙相留念，為呢個充滿法式風情嘅週末留低美好回憶。數量有限！記得早啲去影輯靚相啦！

奢華享受生蠔美酒專區

行到攰想chill吓，生蠔美酒專區就絕對唔可以錯過！只需250蚊就可以食到法國頂級鮮蠔拼盤，入面包含3隻Gilardeau同3隻Fine de claire，鮮甜海水味配上特調飲品，簡直係絕配！食生蠔當然要配靚酒，大家仲可以用超抵加購價換購美酒，低至49折就可以帶走路易亞都白酒（原價$488）；或者以$488蚊加購羅蘭香檳（原價$819）。一邊品嚐即開生蠔，一邊嘆住香醇美酒，絕對係最高級嘅法式享受。

激抵消費獎賞儲印花換高級酒杯

買得開心當然要賺盡優惠！今次市集準備咗三大激抵限時優惠俾大家。第一，全場任何消費都可以賺取雙倍易賞錢積分；第二，購物滿388蚊即送價值44蚊嘅Maille法式芥末醬；第三，購物滿788蚊仲會送50蚊電子優惠券，買得多送得多！

除此之外，現場仲有印章換領活動。消費每滿50蚊就可以獲得1個印章，儲夠指定數量就可以免費換領豐富禮物！1個印章可以換terre d’Oc有機茶包，3個印章換Häagen-Dazs雪糕，7個印章換限定版單肩不織布袋，儲齊10個印章仲可以換領Lucaris高級酒杯！大家記得mark實心水禮物，盡情掃貨啦。