西灣河驚現「騙飯黨」 專搵港男請食嘢！街坊落疊後即時咁做

西灣河普通話女騙徒專搵港男請食嘢！
心軟街坊落疊後即時XX賺錢

網民在Facebook群組「筲箕灣西灣河關注組」上發帖，表示在上月底（23日）下午5時左右，在西灣河的KFC門前，留意到有兩名操普通話的女子截停男途人，並問了一些問題，不過其後男士「耍手兼擰頭就走咗」。由於覺得事件不單純，於是「女柯南」上身打開手機拍攝影片，並尾隨兩位女子觀察有沒有其他可疑行為。

在影片中，可見兩名身穿深藍色、黑色衫的女子在街上尋找目標，而目標主要為男途人。雖然女子多次被男士拒絕，但仍然屢敗屢戰，最終找到一位剛在巴士下車的黃色上衣男士，3人一起進入連鎖麵包店揀選食物。樓主後來被兩名女子察覺，於是停止攝錄的行動，後來「見到佢哋每人拎住2件企喺門口食」，大快朵頤「免費麵包」，相當滋味。

樓主貼出影片是希望大家都可以「隨時能夠保持警覺」，以免被騙徒利用同情心和善心。影片後來也引起了網民留言關注，表示「著得甘整齊，又有A貨名牌袋，只係呃個美心？可能另有目的」、「咁講真嗰句，上當既又係傻X…」、「白色Adidas波鞋二人組」、「我估個男人真係好心請，而女騙徒唔係真係為左餐飯」、「正宗搵老襯」。

另外，也有網民開始質疑她們的真正動機為何，坦言「騙子們的手法，有心理學的原理。佢哋一開始係搵人請食嘢，之後會打蛇隨棍上，見你易話為好心地，就逐步加注，最後一定係要錢」、「我同事試過有個亞婆叫佢買包比佢食，之後呀婆重要求話買2個大麥包，然後話要埋膠袋。同事見佢係呀婆就照幫佢畀錢，之後原來亞婆走回餅店退錢」，提醒大家騙徒最終目的都是為錢，呼籲大家要小心為上！

原帖連結：按此