觀塘裕民坊YM²被指淪為死場　港人力數4大致命點無得救：成個設計根本錯晒！

觀塘裕民坊YM²被指死場　港人力數4大致命點

裕民坊YM²位於香港九龍觀塘市中心，為區內昔日著名購物街道，早年經由市區重建局觀塘市中心重建計劃建成。原本地理位置佔上優勢，附近多民居、又有港鐵站、巴士站和小巴士，人流本應不絕，但有街坊指「無咩事都唔會去」。及至近日有網民發起一問題：「「點解裕民坊YM²會變成死場？明明周邊人流、消費力、交通都無可挑剔」，旋即令網民留言點出4大致命點，更是「錯中之錯」。

1.商場設計有問題

網民指裕民坊YM²「成個迷宮咁」，「成日行行下唔知自己係邊 ，一樓仲白痴，無端端整個位劏開成層，個個都以為係人哋餐廳唔行過去」、「有次想食牛角，搵好耐都唔知點上去，上到去又行匀成層咁滯先揾到」、「由MTR 來，如果落大雨，未過馬路都濕晒！而且d lift setting 又怪！G/F 去唔到2/F！3/F 平台撘lift 先到小巴站！B1 個商場仲古怪，都唔知點講」、「想上上面樓層就要人行到好似行山咁，指示又亂，入到去根本都唔識行」。

2.交通位置好但無接駁通道

裕民坊YM²樓下既有巴士站，又有小巴站，惟網民指「最多人流嘅就係小巴站，好多路線多人多到癲，主要觀塘轉車站，竟然同個商場完全分開獨立，冇將人流帶入商場。最敗筆的設計， 如果要經過商場先去到小巴站， 完全兩個世界，小巴站如果可以開到兩個小食站都發到癲，而家小巴站下面咩都冇買支水都冇」、「出入口位置好差，要兜路先入到去，如果要追巴士真係勁難追得切，一係佢整個門口喺中間，又或者直接連去APM」、「車站與商場串連非常差，出入口太細，而且不是直通店舖，需要再上一層，不便。」

3.商舖完全唔吸引

網民指「無能令人駐腳既商舖，例如吉之島、DONKI、百佳、惠康、壽司郎」、「睇佢d商舖名單，非食肆類嘅，佢似係想玩小店類，但感覺又整到唔上唔落咁」、「簡簡單單吸引人，開間m記、pizza hut都唔至於咁啦」、「無大的酒樓，無大超市，車場又細，不倫不類，高不成低不就」、「做上班族生意俾APM吸晒，做街坊生意又太貴」。

4.空間太逼，餐廳多過行街舖頭

網民指「空間太小，餐廳過多，商店太少而且沒有規劃，人流最多的地段，應該放Fast moving products，佢竟然賣傢私，賣阿婆衫，最需要人流的食店咖啡店在二三樓平台，真是天才至想得出來」。

有人反駁：好多人喎，點樣「死場」呢？

在激烈的討論中，有人指裕民坊YM²並不算是死場，看到有不少公公婆婆在商場內「打躉」，指「個商場係有人流，佢最多可以話係失敗，但唔係死場」、「論死場，荃灣海濱個D先叫死場，人影都無個，裕民坊YM²算係咁啦」、「係啲鋪頭唔出名，做街坊生意，之前啲巴士迷活動不知幾多人」。

資料來源：Facebook@屌官塘老母群組