【假期好去處2025】現代舞詩劇《詩憶東坡》+帶你感受蘇東坡的豁達人生態度！
每日返工咁chur，壓力大到隨時爆煲？不如學下「文學巨匠」蘇東坡嘅豁達人生觀，就算人生遇到幾多風雨，都可以活得瀟灑！但要點樣先可以感受到佢呢一股豁達嘅精神？「中華文化節2025」嘅開幕節目，現代舞詩劇《詩憶東坡》就可以令大家以另一個角度了解蘇東坡！靈感正正係嚟自蘇東坡嘅詩詞及人生經歷，利用音樂、舞蹈、詩詞、國畫交織出一場充滿詩情畫意嘅視聽盛宴！立即睇睇有幾特別：
一秒帶你穿越古今 感受「詩」意人生
《詩憶東坡》以現代舞方式，巧妙咁融合詩詞、國畫、書法、篆刻、古琴、戲曲同埋武術等中華傳統文化元素，集合古代與現代元素，進一步體現古今相融嘅精神。舞者將身體化為畫筆一樣，於舞台上盡情揮灑，帶領觀眾跨越古今，令千年詩篇活現觀眾眼前，體驗「詩中有舞，舞中有詩」獨特藝術體驗！
以舞入詩！見證蘇東坡嘅另一面
其實呢套舞劇並非鉅細無遺咁講述蘇東坡嘅一生，反而係透過「留白」嘅藝術手法，令觀眾擁有更多空間去聯想！
舞者透過現代舞嘅身體語言，將12首宋代詩詞裡面嘅錦繡山河、豁達情懷，化成舞台上流動嘅抽象線條；好似同詩人隔空對話一樣，令流動嘅詩詞精神滲透入每一個舞姿，跨越人與人之間嘅語言界限，觸動人心。就算唔熟悉蘇東坡嘅詩詞，都可以透過舞蹈、音樂、視覺以及整個舞台效果感受作品帶嚟全新嘅魅力，再度認識文學巨匠蘇東坡！
中國東方演藝集團：現代舞詩劇《詩憶東坡》
日期及時間：2025年6月13-14日（五-六）7:30pm
地點：香港文化中心大劇院
購票連結：https://bit.ly/4jZfz7U
按此查看詳情
節目長約 1小時30分鐘，不設中場休息。
（Presented by LCSD)
關鍵詞
玩樂熱話
圖片來源：LCSD
